3/28/2024
Today from Hiiraan Online:  _
Wararka Maanta- Axad, Oct 21, 2018
Xildhibaan Qoono oo eedeyn u jeediyay Wasiirka Amniga iyo Taliyaha ciidamada Booliiska Soomaaliyeed

 

Axad, October, 21, 2018 (HOL)- Xildhibaan Maxamed Xassan Ibraahim Qoono oo xiriir la soo sameeyay Hiiraan Online ayaa si adag uga hadlay dil iyo barakacin sida uu hadalka u dhigay lagu hayo qaar ka mid ah qoysaska ku dhaqan degmada Wadajir, gaar ahaan xaafadda Nasteexo.

Xildhibaanka ayaa sheegay in Wasiirka Amniga Gudaha Maxamed Abuukar Isloow Ducaale iyo taliyaha ciidamada Booliiska Soomaaliyeed Jen Bashiir mas’uul ka yihiin weerarka ka dhanka ah qoysas muddo ka dhawaad 30 sano ku noolaa xaafadda Nasteexo gaar ahaan Siliggii hore Ameericaan-ka oo ka mid ah degmada Wadajir ee gobolka Banaadir.

‘’Annaga ma garaneyno danta laga leeyahay qoysaskaas, waxaad moodaa in dad gaar ah la bartilmaameedsanayo, waxaana ka danbeeya oo ka mas’uul ah ooo gadaal ka riixaya Wasiirka Amniga iyo Taliyaha ciidamada Booliiska Soomaaliyeed, sabab gaar ah oo dadkaa loo bartilmaameed-sanayo ma sheegi karno, waayo Muqdisho waa la wada deggan yahay, meel xarunta Baarlamaanka wax yar u jirta ayeey qoysas degan yihiin, sidaa daraadeed waxa dadkaa degan Wadajir duulaanka loogu yahay waxaan jawaabteeda ka rabnaa dowladda, xaq ayeey –nu u leenahay in aynu arintan ka hadalno waayo waxey-nu nahay xildhibaanno Soomaaliyeed, gaar ahaan kuwii Baarlamaanka ku matalayay dadkaa dhibaatada lagu hayo dilka iyo barakicintana ley-sugu daray ’’ ayuu yiri xildhibaan Qoono.

Xildhibaanka ayaa intaa raaciyay in arintan aysan aheyn mid hadda bilaabatay laakiin muddo dheer-ba soo jiitameysay, waxaana uu intaa ku daray in weerarkan oo loo adeegsanayo ciidamo ka tirsan dowladda lagu dilay dad rayid ah tiro kale-na lagu dhaawaacay.

‘’Dadkan waxaa leysugu daray in la dilo, la barakiciyo, hantidooda-na la burburiyo, arintanna waxaa ay soo soctay muddo Sanad ah, cid ka tirsan dowladda oo illaa iyo hadda ka hadashay ma jirto, waxa la adeegsanayo oo dhibaatada intaa la eg geysnayana waa ciidamada dowladda, waxaan ugu baaqayaaa xildhibaannada baarlamaanka, guddiyada Cadaallada, Maxkamadaha iyo guud ahaanba laamaha kala duwan ee dowladda in arintan la soo fara-galiyo, si looga digtoonaado cawaaqib kale oo ka dhasha’’ ayuu yiri xildhibaanka.

Dadka ku dhaqan xaafadda Nasteexo ee degmada Wadajir ayaa dhowr jeer oo hore dhiggay dibadbaxyo ay uga cabanayaan ciidamada dowladda Soomaaliya, iyaga oo fariintooda u diray madaxweynaha iyo ra’iisal wasaaraha oo ay ka dalbadeen in wax laga qabto ciidamada dowladda iyo barakicinta lagu hayo intaba.

C/raxmaan Diini, Hiiraan Online
[email protected]













Click here
10/21/2018 2:28 PM EST
Axad, October, 21, 2018 (HOL)- Wareegto ka soo baxday Wasiirka arrimaha gudaha dowlad gobolleedka Hirshabeelle Maxamed Cali Caadle ayaa xilka looga qaaday guddoomiyihii degmada Beledweyne Cismaan Maxamed Qalaafoow.

10/21/2018 1:55 PM EST
Axad, October, 21, 2018 (HOL)- Wasiirka Wasaarradda Amniga xukuumadda Soomaaliya Maxamed Abuukar Isloow Ducaale oo booqday xaafadda Nasteexo ee degmada Wadajir ayaa uga tacsiyeeyay waxgaradka deegaanka weerarkii ay dadka ku dhinteen oo ay ku qaadaan xaafadda ciidamo ka tirsan dowladda Soomaaliya.

10/21/2018 10:51 AM EST
Axad, October, 21, 2018 (HOL)- Dowladda Soomaaliya ayaa war deg deg ah ka soo saartay khilaafka kala dhaxeeya madaxda dowlad gobolleedyada, kaddib war-saxaafadeed ka soo baxay wasaarrada arrimaha gudaha.

10/21/2018 10:25 AM EST
Axad, October, 21, 2018 (HOL)-Gudoomiyaha xisbiga mucaaradka ah ee UCID Eng;Faysal Cali Waraabe ayaa madaxweyne Biixi ku eedeeyey in aanu dalka hogaamin Karin, isla markaana ku baaqay hadii uu xal ka gaadhi waayo khilaafka guddida doorashooyinka ay shir tallo qaran la iskugu iman doonno.

10/21/2018 8:20 AM EST
Axad, October, 21, 2018 (HOL)– Madaxweynaha Galmudug, Axmed Ducaalle Geelle (Xaaf) ayaa u sheegay dowladda federaalka in Muqdisho aysan nabad noqon doonin haddii Galmudug ay "gubato" , isagoo ka hadlayay shirka madasha wada-tashiga dowlad-gobolleedyada ee magaalada Garoowe maanta ka furmay.

10/21/2018 7:50 AM EST
Axad, October, 21, 2018 (HOL)– Madaxweynaha dowlad-gobolleedka Jubbaland, Axmed Maxamed Islaam ayaa sheegay in doorashada Jubbaland ayna hal maalin daba maraynin wakhtigeeda 15-ka bisha 8aad sannadka 2019 ay ku dhaceyso.

10/21/2018 7:49 AM EST
Axad, October, 21, 2018 (HOL)- Baarlamaanka maamulka Koonfur Galbeed ayaa cod aqlabiyad ah ku ansixiyay guddiga doorashada madaxweynaha maamulka Koonfur Galbeed Soomaaliya.

10/21/2018 5:44 AM EST
Axad, October, 21, 2018 (HOL)– Kulanka afaraad ee golaha iskaashiga dowlad-gobolleedyada Soomaaliya ayaa goor dhow ka furmay magaalada Garoowe ee xarunta Puntland.

10/21/2018 5:28 AM EST
Axad, October, 21, 2018 (HOL)– Madaxwaynaha Marekanka, Donalda Trump ayaa wariyayaasha u sheegay in Ruushka uu jabiyay heshiiskii 1987 ee dhanka niyukleerka oo ay horey u wada galeen dowladaha Ruushka iyo Mareykanka.

10/21/2018 5:15 AM EST
Axad, October, 21, 2018 (HOL)– Koox hubaysan ayaa toogasho ku dilay labo macallin oo ka mid ahaa maamulka Iskuulka Al Furaat ee degmada Yaaqshiid,sida ay sheegeen saraakiisha deegaanka.

10/21/2018 4:46 AM EST
Axad, October, 21, 2018 (HOL)– Wasiirka maaliyadda xukuumadda federaalka ah ee Soomaaliya, Cabdiraxmaan Ducaale Bayle ayaa toddobaadkan ku sugan magaalada London ee xarunta dalka Ingiriiska.

10/21/2018 4:36 AM EST
Axad, October, 21, 2018 (HOL)– Ugu yaraan labo ruux ayaa ku dhaawacmay rasaas ay fureen dablay ku hubeysan bastoolado meel aan sida uga fogeyn saldhigga booliska ee degmada Wadajir ee magaalada Muqdisho, sida ay ku warrantay warbaahinta gudaha.

10/21/2018 4:33 AM EST
Axad, October, 21, 2018 (HOL)– Madaxweynaha Marekanka,Donald Trump ayaa ka soo horjeestay sida ay xukuumadda Sacuudiga u shaacisay dilka wariye Jamaal Kaashogji.

10/21/2018 4:17 AM EST
Axad, October, 21, 2018 (HOL)– Munaasabad ka dhacday magaalada Gaalkacyo ayuu kaga dhawaaqay, Maxamuud Cabdi Yare (Gar-Libaax) inuu u sharraxanyahay xilka madaxweynaha Puntland doorashada dhacaysa horraanta bisha Jannaayo ee sannadka 2019.

10/21/2018 3:44 AM EST
Axad, October, 21, 2018 (HOL)– Shirka golaha iskaashiga dowlad-gobolleedyada ayaa la filayaa goor dhow inuu ka furmo magaalada Garoowe ee xarunta Puntland.

10/21/2018 3:17 AM EST
Axad, October, 21, 2018 (HOL)-Wasiirka hore ee wasaarrada Amniga gudaha islamarkaana ah xildhibaan ka tirsan dowladda Soomaaliya ayaa ku eedeeyay ciidamada Booliiska Soomaaliya dil iyo barakicin ku hayaan qaar ka mid ah dadka degan degmada Wadajir gaar ahaan degmada Nasteexo.

10/21/2018 1:35 AM EST
Axad, October, 21, 2018 (HOL)–Guddoonka Aqalka sare ayaa sheegay in dowladda dhexe u muuqato in ay caga jiideyso wada hadal lagu dhameeyo khilaafka kala dhaxeeya madaxda dowlad gobolleedyada oo horay ugu dhawaaqay in ay xiriirka u jareen dowladda dhexe.

10/21/2018 1:16 AM EST
Axad, October, 21, 2018 (HOL) – Waxaa soo ifbaxaya shaki durbaba qaar ka mid ah wadamada reer Galbeedku ka muujinayaan fasiraad Boqortooyada Sacuudiga ay ka bixisay habka uu u dhacay dilka Wariye Jamaal Khashoggi .