3/28/2024
Today from Hiiraan Online:  _
Wararka Maanta- Sabti, Oct 20, 2018
Jaamacadda UPEACE hoostagta QM iyo Machadka SDRI oo kala saxiixday heshiis Waxbarasho


Sabti, October, 20, 2018 (HOL)– Jaamacadda caalamiga ah ee University for Peace (UPEACE) oo hoos tagta Q/Midoobay oo kaashaneysa Machadka daraasaadka & Maareynta Masiibooyinka Soomaaliyeed (SDRI) ayaa magaalada Muqdisho si rasmi ah uga furay barnaamij Waxbarasho sare oo loogu talo galay in ay ka faa’ideystaan ardayda dhameysata waxbarashada heerka koowaad ee Jaamacadaha dalka.

Talaabadan ayaa timid ka dib markii labada dhinac ay 14kii bishii August ee sanadkan 2018 kala saxiixdeen heshiis iskaashi oo dhigaya in Jaamacadda University for Peace ay bixiso illaa 11 taqasus iyo labo Maado oo lagu bixinayo shahaadada sare ee Phd-da, iyadoo la kaashaneysa Machadka SDRI.

Munaasabad lagu daah-furayey barnaamijkan ayaa lagu qabtay magaalada Muqdisho, taasoo ay ka qeyb galeen masuuliyiin kala duwan, iyadoo sidoo kale lagu soo dhoweynayey dufcadii ugu horeysay ee isku diiwaan gelisay qeybaha Waxbarashada heerka labaad (Master Degree) iyo heerka saddexaad (Phd) kuwaasoo tiradoodu gaareyso 150 arday oo isugu jiray hablo iyo wiilal.

Agaasimaha Machadka SDRI Maxamed Cismaan oo furitaankii xafladaas ka hadlay ayaa sheegay inuu ku faraxsan yahay markii ugu horeysay iney dalka timaado Jaamacadda University for Peace oo uu xusay iney tahay Jaamacad caalami ah oo ay leedahay QM.

“Kadib dedaal muddo badan socday oo ay sameysay SDRI waxaan ku guuleysanay in markii ugu horeysay aan dalka keeno Jaamacada UPEACE oo bixisa shahaado caalami ah oo ay aqoonsan yihiin dhamaan heyadaha UN-ka, si ay uga faaiideystaan ardayda dalkeena ee Jaamacadaha dhameystay” ayuu yiri agaasimaha oo ku dheeraaday qaabka ay ku wada shaqeyn doonaan heyadiisa SDRI iyo Jaamacada UPEACE.

Ambasaddor C/llaahi Odowaa oo ah danjiraha cusub ee Somalia u fadhin doona dalka Kuwait, kana mid ah aqoonyahanada Soomaaliyeed ee ka qelin jebiyey Jaamacadda UPEACE xarunteeda dalka Costa-rica oo isna hadal ka jeediyey munaasabada ayaa sheegay in ardayda ka baxday Jaamacadaha dalka ay heystaan fursad dahabi ah maadaama ay dalkooda xarun ka furatay Jaamacada UPEACE, wuxuuna xusay iney jiraan dalal Somalia ka horumarsan oo aan weli fursadan helin, isagoo ugu baaqay ardayda Soomaaliyed iney ka faaiideystaan.

Guddoomiye ku-xigeenka dallada Jaamacadaha Soomaaliyeed (SomaliREN) Prof/Dr. C/risaaq Axmed Dalmar oo isna munaasabada hadalo ka jeediyey ayaa sheegay iney soo dhoweynayaan iskaashiga waxbarasho ee dhexmaray Machadka SDRI iyo Jaamacada UPEACE oo uu sheegay inuu xoojinayo horumarinta iyo kobcinta bahda tacliinta ee dalkeena.

“Heyadaha UN-ka ee dalka jooga shaqaalahoodu waxay u badan yihiin dad ajnabi ah, ardayda ka faa’ideysata barnaamijkan waxay heystaan fursadaha ugu wanaagsan ee ay uga mid noqon karaan howlwadeenada heyadahaas, maadaama ay heystaan shahaado ay bixisay Jaamacad ay leedahay Qaramada Midoobay” ayuu yiri Dr. Dalmar oo bogaadiyey dedaalka iyo iskaashiga ay sameeyeen labada heyadood.

Waxaa ugu dambeyn munaasabadaas ka hadlay Prof. Samuel Kale oo ah madaxa Afrika u qaabilsan Jaamacadda UPEACE oo xusay iney ku faraxsan yihiin markii ugu horeysay in Jaamacadiisu ka howlgasho Somalia, isagoo ka mahad celiyey sida dalka loogu soo dhoweeyey wuxuuna xusay in Jaamacaddan ay tahay mid aqooneed oo aan wax shaqo ah ku laheyn Siyaasad.

“Jaamacadda University for Peace (UPEACE) waxaa la asaasay 5tii bishii Disembar sanadkii 1980kii ka dib go’aan ka soo baxay Qaramada Midoobay, xarunteeda dhexe waxay ku taalla dalka Costa-rica, waxayna xarun goboleedyo iyo faracyo ku leedahay dalal badan oo ku baahsan caalamka, qeybta Afrika ee aan madaxda ka ahay xarunteeda waa Addis ababa, waajibaadka nala siiyey waxaa ka mid ah xoojinta awooda Jaamacadaha Afrika, dhinaca aqoonta, Cilmi-baarista iyo arrimaha bulshada” ayuu yiri Prof.

Samuel Kale oo intaa ku daray inuu ku faraxsan yahay heshiiska iskaashi ee dhexmaray jaamacadiisa iyo heyadda SDRI, isagoo balan-qaaday in ardayda la siin doono aqoon tayo sare leh iyo shahaado aqoonsi caalami ah heysata.

Masuuliyiinta Jaamacadda UPEACE iyo heyadda SDRI ayaa ugu dambeyn si saraaxad leh uga jawaabay su’aalo ay weydiiyeen qaar ka mid ah ardayda iyo aqoonyahanada ka qeyb galay Munaasabadaas oo ku soo dhamaatay jawi farxad badan.

C/raxmaan Diini, Hiiraan Online
[email protected]













Click here
10/20/2018 1:46 PM EST
Dadka ku nool magaalada Toronto ee dalka Canada ayaa maalinta Isniinta ah u dareeri doona codbinta duqa magaalada iyo golaha deegaanka ee degmooyinka magaalaas, waxaa musharraxiinta ka mid ah Deeqa Maxamed Barre Shabeel uu u tartameysa degmada 5-aad ee Ward 5 York South –Weston.

10/20/2018 12:21 PM EST
Sabti, October, 20, 2018 (HOL)-Golaha Aqalka sare ayaa ka dalbaday madaxweynaha dowladda Soomaaliya in muddo saddex cisho uu jawaab uga bixiyo khilaafka kala dhaxeeya dowlad gobolleedyada oo bishii September ee sanadkan Kismaayo uga dhawaaqay in xiriirka u jareen dowladda dhexe.

10/20/2018 12:00 PM EST
Sabti, October, 20, 2018 (HOL)– Madaxweynaha Puntland, Cabdiweli Maxamed Cali Gaas oo maanta Garoowe ku soo dhaweeyay hoggaamiyayaasha dowlad-gobolleedyada,Jubbaland, Koonfurgalbeed iyo Galmudug ayaa sharraxaad ka bixiyay sababta uusan Garoowe u tagin madaxweynaha Hirshabeelle.

10/20/2018 11:38 AM EST
Sabti, October, 20, 2018 (HOL)– Madaxweynaha Galmudug, Axmed Ducaale Geelle Xaaf oo maanta socdaal dhinaca lugta ah ku gaaray magaalada Garoowe, ayaa sheegay shirka hoggaamiyayaasha uga furmaya Garoowe inay ka soo bixi doonan qodobbo dan u ah Soomaaliya.

10/20/2018 9:58 AM EST
Sabti, October, 20, 2018 (HOL)- Madaxweynaha Somaliland Muuse Biixi ayaa maanta ka jawaabay eeddo uga yimid labada xisbi mucaarad ee WADDANI iyo UCID, kuwaas oo ku dhaliilay khilaafka ka taagan in kala diro komishanka doorashooyinka oo ay ku dusha ka saareen madaxweynaha.

10/20/2018 9:43 AM EST
Sabti, October, 20, 2018 (HOL)– Madaxda dowlad-gobolleedyada ayaa maanta gaaray magaalada Garoowe ee xarunta Puntland, halkaas oo markii ugu horreysay uu ka furmayo shirka madasha wada-tashiga dowlad-gobolleedyada.

10/20/2018 9:41 AM EST
Sabti, October, 20, 2018 (HOL) - Wararka naga soo gaaraya degmada Cadaado ee gobolka Galguduud ayaa sheegaya in maanta halkaa looga dhawaaqay madaxweyne cusub oo uu yeelanayo maamulka Galmudug oo loo doortay Axmed Maxamuud Xassan [Baasto]

10/20/2018 9:15 AM EST
Sabti, October, 20, 2018 (HOL)- Waxbarasho soo soctay muddo Lix sano ah kaddib ayeey 238 Ardey ugu danbeyntii waxaa dhameysteen cilmiga Dhakhtar-nimada Kuliyada caafimaadka Jaamacada Banaadir ee magaalada Muqdisho.

10/20/2018 5:50 AM EST
Sabti, October, 20, 2018 (HOL)– Shirka madasha wadatashiga dowlad-gobolleedyada Soomaaliya ayaa lagu wadaa inuu ka furmo Axadda berri ah magaalada Garoowe ee xarunta Puntland, halkaas oo ay ka socoto qaban qaabada lagu soo dhaweynayo hoggaamiyayaasha dowlad-gobolleedyada.

10/20/2018 4:13 AM EST
Sabti, October, 20, 2018 (HOL)–Haweenka Somaliland ayaa sheegay inay saluug weyn ka qabaan xilalka uu magacaabo madaxweyne Muuse Biixi, kuwaas oo usoo jeediyey in haweenka lagu daro.

10/20/2018 3:28 AM EST
Sabti, October, 20, 2018 (HOL)– Ciidan gadoodsan oo saakay xiray waddada aada xarunta madaxtooyada iyo dhismayaasha wasaaradaha Puntland ee duleedka magaalada Garoowe ayaa dib u furay.

10/20/2018 3:13 AM EST
Sabti, October, 20, 2018 (HOL)– Xukuumadda Britain ayaa markii ugu horreeysay beenisay inay taageerro siiso ciidamadda gaarka ah ee deegaanka Soomaalida Itoobiya oo loogu yeero Liyuu booliska,sida lagu sheegay war ay baahisay safaaradda Britain ee magaalada Addis Ababa.

10/20/2018 3:07 AM EST
Sabti, October, 20, 2018 (HOL)– Wasiirka wasaarrada Waxbarashada Hidaha iyo Tacliinta sare ee Soomaaliya Cabdullaahi Goodax Barre ayaa sheegay in ku dhawaad 400 oo ardey Soomaaliyeed ah ku xanniban yihiin dalka Turkiga.

10/20/2018 2:39 AM EST
Sabti, October, 20, 2018 (HOL)– Ciidan gadoodsan ayaa xiray waddada aada xarunta madaxtooyada Puntland iyo xarumaha wasaaradaha ee duleedka magaalada Garoowe, sida ay ku warrantay warbaahinta gudaha saacadihii hore ee Sabtida.

10/20/2018 2:00 AM EST
Sabti, October, 20, 2018 (HOL)– Burcad baddeed Soomaali ah ayaa weeraray Markab laga leeyahay Hong Hong ,kaa soo mareeyay xeebaha Bari ee Soomaaliya toddobaadkaan, waana qeyb ka mid ah khataraha wali taagan oo ay burcad baddeedu ku hayaan Maraakiibta iyo Doomaha ganacsi.

10/20/2018 12:01 AM EST
Sabti, October, 20, 2018 (HOL)–Dowladda Saudi Arabia ayaa ugu danbeyntii shaacisay dilka wariye Jamaal Khashoggi, hasse ahaatee Boqortooyada ayaa sheegtay in uu ku dhintay dagaal dhaxmaray isaga iyo dad ku sugnaa gudaha Qusuliyadooda magaalada Istanbul, laakiin dowladda Saudi Arabia ma aysan sheegin halka uu ku danbeeyay meydkiisa.