Xassan Sheekh ’’ Maamul gobolleedyada waa in loo madax-bannaaneeyaa shaqooyinkooda u gaarka ah
Jimco, October, 19, 2018 (HOL)- Madaxweynihii
hore ee Soomaaliya Xassan Sheekh Maxa’ mud oo ka hadlayay khilaafka u dhaxeeya
dowladda dhexe iyo maamul gobolleedyada ayaa sheegay in uu jiro culeys ku lagu
hayo sida uu hadalka u dhigay madaxda dowlad gobolleedyada dalka ka dhisan.
Xassan Sheekh ayaa sheegay in dowladda hadda jirta looga baahan yahay in ay
shaqooyinkooda u madaxbannaaneyso maamulada dalka ka jira oo loo baahan yahay in laga daayo
culeyska siyaasadeed ee la saarayo.
‘’Waa inaan aqbalnaa ilaa xad inay mas’uul
yihiin, laakiin hadii aan dhahno dalka uma naxayaan ma shaqeyneyso, waxaan
qabaa madaxdaas furad la siiyo, mudadii aan joogay dal dibadiisa uma dacwoon,
waan wada shaqeynay”. ayuu yiri Xasan Sheekh.
Waxaa uu intaa ku daray in dowladda Soomaaliya
looga baahneyn in ay iyadu wax walba kootaroosho madaama ayuu yiri dalka uu
qaatay nidaamka federaalisam-ka, wallow dhinaca uu sheegay in ay jiraan howlo
mar marka qaar loo baahan yahay in labada dhinacba wadatashi guud laga sameeyo.
Dowladda federaalka Soomaaliya ayaa wajaheysa mar-xalado
siyaasadeed oo aad u xoogan oo kala dhaxeeya maamulada Puntland, Jubbaland,
Galmudug iyo Koonfur Galbeed, keliya dowladdu waxay heshiis la tahay
Hirshabeelle.
C/raxmaan Diini, Hiiraan
Online
[email protected]
