Sabti June, 23, 2018 (HOL)- Dowladda Malta ayaa
sheegtay in aysan qaabili doonin Muhaajiriin Afrikaan oo dhawaan lasoo
badbaadiyay ,kuwaasoo Saaran Markab taagan xeebaha dalkaasi.
Dadkaa muhaajiriinta ah waxa Khamiistii laga soo
samata bixiyey meel ka baxsan badda Libya.
Talyaaniga ayaa sheegay in dalka Malta diiday in
uu qaabilo laba boqol iyo afar iyo soddon qof oo muhaajiriin ah oo haatan
saaran markab samata bixiyey oo taagan badda Mediterranean-ka, markabkaas oo u
shaqaynaya urur samofal Jarmal ah oo lagu Magacaabo Lifeline.
Wasiirka gaadiidkaTalyaaniga, Danilo Tonielli,
ayaa arintaa ku sheegay qoraal uu ku baahiyey Facebook-ga. Toninelli waxaa uu
ku tilmaamay go’aanka Malta mid “naxariis darro ah”.
Xukuumadda Malta ayaa sheegtay in aysan awoodin
in ay qaabisho qaxooti Afrikaan ah,islamarkaana dhaqaallaha ku baxaya aysan
bixinkarin.
C/raxmaan Diini,
Hiiraan Online
[email protected]
