3/28/2024
Today from Hiiraan Online:  _
Wararka Maanta- Khamiis, Jun 21, 2018
Dowladda oo sheegtay in hawadda Soomaaliya aysan soo gali karin diyaarad aan fasax ka heysan

 

Khamiis, June, 21, 2018 (HOL) - Dowladda Soomaaliya ayaa sheegtay aan la aqbali doonin wixii hadda ka danbeeya in hawadda Soomaaliya soo gasho diyaarad aan fasax ka heysan laanta hay’adda Duulista Hawadda, kaddib markii ay si rasmi ah ula soo wareegtay maamulka hawadda

Maareeyaha Guud ee Hey’adda Duulista iyo Saadaasha Hawada Soomaaliya Yuusuf Cabdi Cabdulle (Yuusuf Jaalle) ayaa sheegay in howsha la soo wareegida Maamulka Hawada uu si tartiib tartiib u soo socday illaa bishii December sanadkii 2017 oo Madaxweyne Farmaajo uu daah furay qalabka lagu maamulayo hawada.

Yuusuf Jaalle ayaa sheegay in labada Xafiis ee Muqdisho iyo Nairobi ay wixii mudadaas ka dambeeyay ay iska garab shaqeynayeen, isla markaana ay socotay qeyb shaqaalaha lagu tababarayay.

Waxaa uu sheegay in xafiiska Nairobi shaqada ka soo dhamaatay, lana soo xiray 18-kii bishan June, isagoo xusay in Muqdisho hadda ka socdaan howsha, isla markaana shaqaalihii Nairobi joogay ee ay maamuleysay ICAO ay u soo guureen Muqdisho.

“Hadda waxaa socota in dhamaan shaqaalaha xafiiska Nairobi joogay in ay u soo guuraan Xafiiska Muqdisho, shaqaalihii ama qubarada ajnabiga, iyagana tababaro gooni ayay siinayaan shaqaalaha kala wareegi lahaa ee maamulayaasha noqon lahaa”ayuu yiri Yuusuf Jaalle oo intaa ku daray in wixii shaqo uu Xafiiska Muqdisho uu ku soo wareegay.

Wuxuu sheegay mar uu ka hadlayay shuruucda diyaaradaha hawadda maraya ayuu xusay in markii hore aanay jirin diyaarad aan ogolaansho heysan in ay soo gasho Hawada, waxaana uu xusay in diyaarad kasta oo dal ajnabi ka soo duuleysa in ay marka hore ogolaansho soo weydiisaneyso Hey’adda Duulista iyo Saadaasha Hawada ee dowladda Federaalka.

Dowladda Soomaaaliya ayaa dadaal badan u gashay sidii maamulka Hawada oo muddo dheer laga maamulayay magaalada Nairobi ula soo wareegi laheyd.

C/raxmaan Diini, Hiiraan Online
[email protected]













Click here
6/21/2018 1:43 PM EST
Khamiis, June, 21, 2018 (HOL) – War qoraal ah oo u muuqday in loogu tala-galin warbaahinta laakiin ka soo baxay wasaaradda Qorsheynta ayeey dowladda Soomaaliya uga dalbatay beesha caalamka in aan la cusbooneysiin karin nidaamka gaarka ah ee Beesha Caalamka ku taageeri jiray Somaliland.

6/21/2018 11:48 AM EST
Khamiis, June, 21, 2018 (HOL)-Golaha wasiirrada Puntland oo warbixin ka dhageystay wasaaradda amniga ayaa ku dhawaaqay Puntland inay gashay wax loogu yeeray 'heegan dibu-xoreyn iyo soo celinta xuduuddaha dastuuriga ah .

6/21/2018 8:23 AM EST
Khamiis, June, 21, 2018 (HOL) - C/rashiid Xasan Axmed (Sandheere) oo ay da’diisu tahay 25 sano jir, kana tirsanaa ciidanka Booliska Jubbaland ayaa ku eedeysnaa in 12-ka Bisha May ee sanadkan uu dil bareer ah u geystay nin shacab ah oo lagu macaabi jiray Marxuum Max’ed C/laahi Xirsi.

6/21/2018 6:00 AM EST
Khamiis, June, 21, 2018 (HOL)-Haweeneydan oo lagu magacaabo Mumina Eroba oo ay Boliiska dalka Kenya madaxeeda dul dhigeen Hal Milyan oo Shilin Bil ka hor ayaa maqribnimadii Talaadada isku dhiibtay laamaha ammaanka ee dalkaasi.

6/21/2018 3:58 AM EST
Khamiis, June, 21, 2018 (HOL) - Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdi uu hoggaaminayo ayaa u ambabaxay magaalada Addis-Ababa ee dalka Itoobiya, halkaas oo ay kaga qeyb geli doonaan Shir Madaxeed deg-deg ah oo waddamada xubnaha ka ah urur goboleedka IGAD, Hoggaanka Midowga Afrika iyo Qaramada Midoobey ay kaga arrinsanayaan xasilinta dalka Koonfurta Suudaan.

6/21/2018 2:13 AM EST
Khamiis, June, 21, 2018 (HOL) - Madaxweynaha Mareykanka Donald Trump ayaa sheegay in uu si deg deg ah u saxiixi doono dikreeta Madaxweyne taas oo ku saabsan in qoysaska qaxootiga ah iyo carruurtooda aanan la kala geyn oo ay isla joogaan goobaha xudduuda Mexico.

6/21/2018 1:49 AM EST
Khamiis, June, 21, 2018 (HOL) - Kulan ay yeesheen guddoomiyeyaasha 17ka degmo ee gobolka Banaadir oo shir guddoominayey Duqa Muqdisho Cabdiraxmaan Cumar Cusmaan (Eng. Yarisow) ayaa looga hadlay amniga, daadajinta adeegyada asaasiga ah, sidii kor loogu qaadi lahaa ololaha nadaafadda iyo bilic soo celinta magaalada, u-diyaar garowga maalmaha xoriyadda ee foodda nagu soo haya.

6/21/2018 1:47 AM EST
Khamiis, June, 21, 2018 (HOL) - Kulan ay yeesheen guddoomiyeyaasha 17ka degmo ee gobolka Banaadir oo shir guddoominayey Duqa Muqdisho Cabdiraxmaan Cumar Cusmaan (Eng. Yarisow) ayaa looga hadlay amniga, daadajinta adeegyada asaasiga ah, sidii kor loogu qaadi lahaa ololaha nadaafadda iyo bilic soo celinta magaalada, u-diyaar garowga maalmaha xoriyadda ee foodda nagu soo haya.

6/21/2018 1:36 AM EST
Khamiis, June, 21, 2018 (HOL) - Madaxweynaha Soomaaliya Maxamed Cabdullaahi Farmaajo iyo wafdi uu hoggaaminayo ayaa maanta ku sii jeeda magaaladda AddisAbaba ee dalka Itoobiya, halkaasi oo uu uga qeyb galayo shir aan caadi ahayn oo madaxda waddamada IGAD ay isugu imaanayaan.

6/21/2018 1:10 AM EST
Khamiis, June, 21, 2018 (HOL)-Ra’iisal Wasaaraha Soomaaliya Xassan Cali Khayre oo magaalada Oslo kula hadlayay Jaaliyadda Soomaaliyeed ee dalka Norway ayaa faah faahin ka bixiyay heshiiskii dowladaha Soomaaliya iyo Itoobiya ay wada galeen.