Khamiis, June, 21, 2018 (HOL) - Madaxweynaha Soomaaliya Maxamed Cabdullaahi
Farmaajo iyo wafdi uu hoggaaminayo ayaa maanta ku sii
jeeda magaaladda Addis Ababa ee dalka Itoobiya, halkaasi oo uu uga qeyb galayo
shir aan caadi ahayn oo madaxda waddamada IGAD ay isugu imaanayaan.
Ilo xog-ogaal ah oo ku dhaw madaxtooyada
Soomaaliya ayaa sheegaya sheegaya in madaxweynaha iyo wafdi uu horkacay maanta
u anbabaxaan magaalada Addis Ababa.
Shirkan IGAD oo ka baxsan shirarkoodii caadiga
ahaa ayaa waxaa madaxda ururku ay uga hadli doonaan xaaladda amni ee Koonfurta
Suudaan oo ay ka soo korortay xaalad amni xumo, kadib markii ay markale is
faham la’aan soo dhex gashay dowladda South Sudan iyo kooxaha mucaaradka ku ah.
Madaxda urur goboleedka IGAD ayaa qatar xoog leh
u arka xaaladda hadda ka taagan Koonfurta Suudaan oo haddii la xalin waayo
keeni karta dagaalo cusub oo dalkaas ka dhaca, si taas looga hortago ayaa
shirkan waxaa la rajeynayaa in ay ka soo baxaan qodobo muhiim u ah oo lagu
heshiisiinayo mucaaradka iyo dowladda South Sudan.
Madaxweynaha Soomaaliya ayaa ka mid ah madaxda
sida gaarka ah dadaalka ugu bixinaya in la baajiyo dagaal ka dhaca Koofurta
Suudaan, maadaama Soomaali badan ay ganacsi ku leeyihiin dalkaas.
C/raxmaan Diini, Hiiraan
Online
[email protected]