3/28/2024
Today from Hiiraan Online:  _
Wararka Maanta- Arbaco, Jun 20, 2018
Xayiraad lagu soo rogay wargeys ka soo baxa Hargeysa

 

Arbaco, June, 20, 2018 (HOL) – Wargeys cusub oo magaciisa la yidhaahdo Waaberi oo maalmo ka soo baxay magaaladda Hargeysa ayaa lagu soo rogay xayiraad.

Gudoomiyaha wargeyska WAABERI Khadar Gurayte ayaa sheegay in wargeyska la xayiray,isla markaana sharciyadii wargeysku dhamaystiran yahay.

“Wargeyska Waaberi caawa ayaa la xayiray, sababta loo xayiray na waa mid xad-gudub ku ah xaqqa ay muwaadiniintu u lee yihiin in ay hay'ad warbaahineed furtaan. Dhammaan sharciyaddii Wargeysku waa ay noo dhammeystiran tahay se hada na waxa ay Xeer Ilaalintu si badheedh ah ay u hor istaagay oo ay u diidey sharciyaddii Wargeyska iyada oo Maxkamaddu xayirtay.”ayuu yidhi Khadar Gureyte.

Sidoo kale, ururka saxaafadda SOLJA aya iyaguna sharci daro ku tilmaamay xayiraadda lagu soo rogay wargeyskaasi.

“Ururka SOLJA waxa uu u arkay xayiraadda ay maanta xukuumaddu saartay wargeyska Waaberi mid aan waafaqsanayn xeerka Saxaafadda Somaliland kaasoo muwaadiniinta xaq u siinaya inay nidaam xeerka waafaqsan u furan karaan hay'ad warbaahineed.Ururka SOLJA, waxa uu xukuumadda ugu baaqayaa inay ka qaado xayiraadda ay saartay wargeyska Waaberi, kaasoo labadii toddobaad ee u danbeeyey ku soo baxayey.”ayuu yidhi gudoomiyaha SOLJA Maxamuud Xuuto.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
6/20/2018 3:59 PM EST
Arbaco, June, 20, 2018 (HOL) – Xafiiska Xeer Ilaalinta Ciidamada Qalabka Sida ayaa Maxkamadda Ciidamada hor keenay dacwad ka dhan ah xidigle xoogga dalka Mowliid Cali Cabdi oo dil bareer ah u geystay Ex, dable Axmed Nuur Xuseen oo ay ka wada tirsanaayeen ciidamada xoogga dalka Soomaaliyeed.

6/20/2018 12:11 PM EST
Arbaco, June, 20, 2018 (HOL)–Gudoomiyaha xisbiga mucaaradka ah ee WADDANI C/raxmaan Maxamed C/laahi Cirro ayaa dalka dib ugu soo laabtay ka dib markii afartan cisho ku maqnaa dalal ku yaalla Yurub.

6/20/2018 10:29 AM EST
Arbaco, June, 20, 2018 (HOL) – Ra’iisal Wasaaraha Xukuummadda Federaalka Soomaaliya Mudane Xasan Cali Khayre, oo ku sugan magaalada Oslo ee caasimadda dalka Norway ayaa kulan la qaatay dhiggiisa dalkaasi, Erna Solberg.

6/20/2018 9:23 AM EST
Arbaco, June, 20, 2018 (HOL)–Koox loo maleynayo in ay ahaayeen burcad ayaa toogasho ku dilay Sibusiso Radebe oo ahaa xildhibaan ka tirsanaa Xisbiga ANC ee dalka Koonfur Africa.

6/20/2018 7:20 AM EST
Arbaco, June,20, 2018 (HOL)- Wararka ka imanaya magaalada Hargeysa ayaa sheegaya in maanta la siidaayay Boqor Cismaan Aw Maxamuud (Buur-madow) horay loogu xukumay Saddex sanno oo xabsi ah.

6/20/2018 6:28 AM EST
Arbaco, June,20, 2018 (HOL)- Ugu yaraan 30 askari oo ka tirsan ciidamada dalka Afghanistan ayaa la dilay kadib markii maleeshiyo la tuhunsan yahay inay yihiin Taliban ay weerar ku qaadaeen laba bar kontorool maanta.

6/20/2018 3:54 AM EST
Arbaco, June,20, 2018 (HOL)- Mareykanka ayaa ku dhawaaqay inuu isaga baxay Xubinimada Golaha Xuquuqul Insaanka, iyagoo ka carrooday tallaabooyinka Goluhu qaaday ee ka dhanka ah Israa’iil.

6/20/2018 3:22 AM EST
Arbaco, June,20, 2018 (HOL)-Warar kala duwan ayaa ka soo baxaya gaari goor dhaw ku qarxay degmada Hodan ee magaalada Muqdisho oo sida wararku sheegayaan la socdeen labo dhalinyaro ah.

6/20/2018 2:50 AM EST
Arbaco, June,20, 2018 (HOL)-Wasiirka arrimaha dibadda Kuuriyada Koonfureed, Kang Kyung-wha, ayaa sheegtay in xayiraadaha saaran Kuuriyada Woqooyi ay wali sii jiri doonaan tan iyo inta gebi ahaanba dalkaasi uu ka burburinayo hubkiisa niyuukleerka.

6/20/2018 2:27 AM EST
Arbaco, June,20, 2018 (HOL)-Ciidamada dowladda Soomaaliya iyo maamul gobolleedka Jubbaland oo maalmihii ugu danbeeyayba howlgalo ka waday deegaannada ay maamulaan Al-shabaaab ayaa sheegay in ay la wareegeen gacan ku heynta deegaanka Buulo Xaaji.

6/20/2018 2:04 AM EST
Arbaco, June,20, 2018 (HOL)-Madaxweynaha Hirshabeelle Maxamed Cabdi Waare oo faah faahin ka bixiyay howlgalada ka dhanka ah Al-shabaab ee ka socda deegaannnada Hirshabeelle ayaa sheegay in ay xoojinayaan dagaalka ka lagula jiro Al-shabaab.