Isniin, June, 18, 2018 (HOL)- 17
makhaayadood oo qiimihii shaaha kordhiyey ayaa lagu xidhay magaaladda Burco ka
dib markii dadweyinihii macaamiisha u ahaa si weyn uga cawdeen korodhka qiimaha
koobka shaaha ah ku yimid.
Makhaayadahan la xidhay ayaa koobkii shaaha ahaa
ka dhigay kun iyo shan boqol oo Somaliland shilling, halka markii hore uu ka
ahaa kun shilling Somaliland ah, taas oo dadweynihii aad hore hor yimaadeen
korodhka lagu kordhiyey koobka shaaha ah.
Badhasaabka gobolka Togdheer Xamse Maxamed Cabdi
ayaa sheegay in sababta loo xidhay 17 makhaayadood tahay in qiimaha shaaha ay
iska kordhiyeen iyadoo aan wax qiimo ah ku kordhin waxyaalihii shaaha laga
samaynayey.
“Waxaanu xidhnay 17 makhaayadood oo qiimihii
shaaha kordhiyey, waxaana ka cawday dadweynihii, sabab ay u kordhiyeena ma
jirto oo waxyaalihii shaaha laga samaynayey ee ka koobnaa Sonkorta Shaaha iyo
biyuhu waxba laguma kordhin “ayuu yidhi gudoomiyaha gobolka Togdheer.
Dadweynaha reer Burco ayaa aad uga qayliyey
qiimaha lagu kordhiyey shaaha,inkastoo suuqu xor yahay hadana waa markii ugu
horeyso oo loo xidho ganacsato qiimo ku kordhiyey alaabta iibinayeen.
Barkhad-ladiif M. Cumar, Hiiraan Online
[email protected]
Hargeysa, Somaliland.