Axad, June, 17, 2018 (HOL) – Kulanka oo ahaa mid
siweyn isha loogu wada hayay ayeey cayaartooyda labada dhinacba soo bandhiggeen
qaab-cayaareed siweyn loo jecleystay.
Xiddiga xulka Kubadda Cagta Mexico ayaa dardar
iyo weerar waali ah la soo gallay garoonka, iyaga oo mar walba u muuqday kuwo ay
ka go’neyd in ay hellaan goolal ay uga adkaan karaan xulka Koobka difaacanaya
ee Jarmalka.
Jarmalka dhinaciisa lama dhayalsan karin oo waxaa
ay si wanaagsan u maamulayeen Kubadda dhinac kasta, taasoo guud ahaanba
cayaarta ka dhigtay mid soo jiidatay idhaha –daawadayaasha.
Daqiiqadii 35aad cayaarta xulka Mexico waxaa u suurtagay in ay hellaan Goolkoodii ugu
horeeyay oo siweyn ay ugu farxeen taageerayaasha oo malaha u qaadan waayay
Goolka ka dhashay Xiddigaha Jaramlka.
Wareegii hore ee cayaarta ayaa sidaa ku soo dhamaatay, qeybtii dambe ayeey Germany ku soo gashay si
waali ah, waxaana ay go’doomiyeen xulka Mexico oo laakiin go’aan ku gaaray in
awood wixii ay lahaayeenba isugu geeyaan difaaca goosha.
Waxaa sidaas ku dhamaatay guul uu xulka Mexico ku
gaaray kulanka sidaasna Guushu ku raacday xulka Mexico oo dhulka dhigay xulka Jarmalka.
C/raxmaan Diini, Hiiraan
Online
[email protected]
