Roob dabeello wata oo xalay khasaare soo gaadhsiiyey degmadda Sallaxley ee Somaliland
Axad, June, 17, 2018 (HOL) - Hal
qof ayaaa ku geeriyooday, ilaa saddex qofna way ku dhaawacmeen roob dabeelo
wata oo xalay ka da’ay degmadda Sallaxley oo koonfur kaga beegan magaaladda
Hargeysa.
Roobkan Dabeelaha wata ayaa la sheegay in guryo
badan dumiyeen oo ay ku jireen xafiiskii gudoomiyaha, cisbitaalka magaalada iyo
bakhaaro ay dawladdu lahayd.
Sida uu sheegay aabaha wiilkan dhalay Aadan
Siciid ayaa sheegay in wiilka geeriyooday uu ahaa laba sanno iyo badh jir, isla
markaana ku dumay gurigii uu ku jiray, halka ay ka badbaadeen laba caruur oo
kale iyo hooyadood kaddib markii ay banaanka usoo baxeen.
Roobkan ayaa la sheegaya inuu khasaaro badan soo
gaadhsiiyey magaalada, isla markaana guryaha into badan uu jiingadii ka qaaday.
Dhinaca kale, magaaaladda Berbera waxa ay baddu
ku liqday hal qof, halka qof kalena laga badbaadiyey oo la dhigay cisbitaalka
Berbera.
Magaaladda Berbera waxa maalmaha ciidda iskugu
yimaadda dhallinyaro faro badan oo ka kala yimid goboladda, kuwaas oo dalxiis
ahaan u yimaadda magaaladda, haseyeeshee aqoon badan oo aanay u lahayn biyaha
ayaa keentay in qaarkood ku geeriyoodaan.
Barkhad-ladiif M. Cumar, Hiiraan Online
[email protected]
Hargeysa, Somaliland.