Mareykanka oo Liiska Argagixisada ku daray hogaamiye sare oo ka tirsan Al-shabaab
Jimco, Janaayo, 05, 2018 (HOL) – Dowladda Mareykanka ayaa Liiska
Argagixisada ku dartay Saddex ruux oo uu ka mid yahay Abuukar Cali Aadan oo la
sheegay in uu yahay ku-xigeenka hogaamiyaha Al-shabaab.
Ragga Liiska Argagixisada lagu daray ayaa ku kula sugan Yemen, Soomaaliya
iyo Waqooyiga qaarada Afrika.
Wanas Al-Faqih iyo Muhammad Al-Ghazali ayaa lagu eedeeyey iney weerarro
halis ah ka geysteen dalalka Tunisia iyo Yemen.
Warbixin ay daabacday Wakaalada wararka ee Reuters sanadkii 2010 oo laga
diyaariyey saraakiisha Al-shabaab ayaa waxaa ku jiray Abuukar Cali Aadan, isagoo
xilligaas lagu sheegay Amiirka Al-shabaab ee xadka Soomaaliya iyo Kenya,
waxaana isla sannadkaas la ogaaday in loo magacaabay Amiirkii Al-shabaab ee
Magaalada Kismaayo oo xiligaas gacanta ugu jirtay.
Inkastoo uu ka mid ahaa saraakiisha Al-shabaab ee Koonfurta Soomaaliya ayaa
haddana dhinaca kale 2014 Abuukar la
sheegay in uu ku biiray hoggaamiyaasha sare ee Al-Shabaab.
Maraykanka ayaa horey liiska argagxisada ugu daray masuuliyiin ka tirsan
Al-shabaab oo qaarkood uu qaarajiyey iyo qaar weli nool oo la u gaarsanayo.
C/raxmaan
Diini, Hiiraan Online
[email protected]