Soomaalida ku dhaqan magaalada Nazareth ee dalka Itoobiya oo ka cabanaya weerarro ay ku hayaan Oromada
Jimco, Janaayo, 05, 2018 (HOL) – Wararka
ka imanaaya dalka Itoobiaya ayaa sheegaya in ay sii kordhayaan weerarada ay
Qowmiyadda Oromada ay ku bartilmaameedsanayso bulshada Soomaaliyeed ee ku nool
Dalkaasi.
Soomaalida ku dhaqan magaaladda
Nazareth oo 100km u jirta magaalada Addis Ababa ayaa ka
cabanaya weerarro ay ku hayaan dhalinyaro ka soo soo jeeda Qowmiyada Oromada oo
bartilmaameedsanaya dadka Soomaalida ah.
Dad badan ayaa lagu soo waramayaa in Gurya-hooda ay ka cararreen oo ay u
baxsadeeen magaalada Addis Ababa, halka qaar kaloo badanna ku xayiran yihiin
Guryaha iyaga oo ka cabsi qaba wax yeelo soo gaarta.
Dadka Oromada ah oo weerarada soo qaadaya ayaa la sheegay in ay ku
hareereysan yihiin Guryaha,ay degan yihiin Soomaalida dadku waxaa ay la’yihiin
qaab ay uga baxsadaan weerarradaasi.
Bilihii ugu dambeeyey waxaa jiray xisado u dhexeeya Soomaalida iyo Oromada
dalkaasi Itoobiya,iyadoo dhowr jeer mas’uuliyiinta dalkaasi ay sheegeen in xal
laga gaari doono dhibaatooyinkaasi.
C/raxmaan
Diini, Hiiraan Online
[email protected]
