Maxkamada Racfaanka gobolka Banaadir oo xayiraad ku soo rogtay Siyaasiga Cabdiraxmaan CabdiShakuur
Arbaco, Janaayo, 03, 2018 (HOL)- Siyaasiga Cabdiraxmaan Cabdishakuur Warsame
ayaan maanta marka ka baaqday in uu hortago Maxkamada Racfaanka gobolka
Banaadir oo maanta loo balansanaa.
Maxkamadda ayaa waxba kama jiraan ka soo
qaaday go’aankii ay horay u gaartay Maxkamada gobolka Banaadir oo ahaa in
aan wax Racfaan ah laga qaadan karin
dacwada Cabdiraxmaan CabdiShakuur, waxaana maanta loo fasaxay xeer ilaalinta
Qaranka in ay sii wataan baaritaannkooda la xiriira eedeymaha ka dhanka ah
Siyaasiga.
Sidoo kale maxkamada ayaa ka mamnuucday safarada dibada ah Cabdiraxmaan
Cabdishakuur inta uu socdo baaritaanka la xiriira dacwadaha loo heysto.
Dhinaca kale waxay maxkamaddu ganaax dul dhigtay sideed qarreen oo ay
sheegtay in ay diideen in ay ka difaacaan siyaasiga eedaha loo haysto.
Qarreennadan ayaa Shan ka mid ah laga
joojiyay shaqada muddo labo bilood ah
iyo in ay bixiyaan Lacag shilin Soomaali ah oo u dhiganta $2000, halka saddex
ka mid ah lagu xukumay in ay bixiyaan min $2000.
C/raxmaan Diini, Hiiraan Online
[email protected]