Al-shabaab oo sheegatay dilka Cali Nuur Shuute oo xalay rag hubeysan ku toogteen Gurigiisa
Arbaco, Janaayo, 03, 2018 ((HOL) - Al-shabaab
ayaa sheegtay mas’uuliyada dil xalay loo geystay Cali Nuur Shuure oo ah Aabaha dhalay Col Xasan
Cali Nuur Shuute oo ah Gudoomiyaha Maxkamadda ciidamada qalabka sida
Soomaaliya.
Dilka ayaa ka dhacay degmada Dherkeenley ee gobolka Banaadir, gaar
ahaan Suuq Boocle, waxaana la sheegayaa in raggii dilay ay baxsadeen.
Al-shabaab ayaa Warbaahintooda ka sheegtay mas’uuliyada dilka, waxaana ay
tilmaameen in rag ka tirsan wax ay ugu yeereen amniyaadka ay fuliyeen dilkaasi.
Al-shabaab ayaa intaa ku daray in raggii dilka fuliyay goobta ka baxsadeen,
maadaama ay fuliyeen hawshii ay u tageen halkaasi.
Marxuumka Cali Nuur Shuute ayaa lagu wadaa in maanta lagu Aaso magaalada Muqdisho.
Gudoomiye Shuute, ayaa Isniintii bilaabay dhageysiga eedeymo loo haysto rag
la sheegay inay ku lug lahaayen qaraxii 14-kii bishii October ka dhacay
Isgoyska Zoobe ee Magaalada Muqdisho.
C/raxmaan Diini, Hiiraan Online
[email protected]