Talaado, Janaayo, 02, 2018 (HOL) – Wararka ka imanaya degmada Beled-Xaawo ee gobolka Gedo
ayaa sheegaya in xalay uu halkaa kulan ku dhaxmaray mas’uuliyiin ka tirsan
dowladda, maamulka Jubbaland, xildhibaanno halkaa gaaray maalintii shalay.
Beled-Xaawo maalmihii ugu danbeeyay waxaa ka taagneyd xiisad u dhaxeysay
shacabka degmada iyo ciidamo ka tirsan kuwa Kenya oo la sheegay in ilaalo ka
hayeen Darbi Kenya xadka labada dal.
Wasiirka Arrimaha Gudaha dowladda Federaalka Soomaaliya Cabdi
Faarax Saciid Juxa , Madaxweyne ku xigeenka Jubbaland, Senataro,
Xildhibaano iyo Masuuliyiin kale ayaa xalay kulamo xog wareysi la qaatay
shacabka Beledxaawo.
Waxgaradka degmada ayaa la wadaagay masuuliyiinta ay la kulmeen
warbixin la xiriirta xaalada degmada iyo dhibaatoooyinka ay kala kulmaan
Ciidamada Dowladda Kenya.
Qubarada iyo masuuliyiinta dowladda dhexe iyo Jubbaland ka
socday ayaa waxa ay koormeereen goobta darbiga dowladda Kenya ka dhiseyso.
Guddoomiyaha guddiga difaaca baarlamaanka Soomaaliya Xusseen
Carab Ciise ayaa sheegay in marka ay yimaadaan magaalada Muqdisho ay soo
saarayaan warbixin ay kaga hadlayaan.
C/raxmaan Diini, Hiiraan
Online
[email protected]
