3/29/2024
Today from Hiiraan Online:  _
Wararka Maanta- Jimco, Jan 19, 2018
Ra’iisal wasaare Kheyre oo ka hadlay maxaabiis dib loogu soo celiyay dalka

 

Jimco, Janaayo, 19, 2018 (HOL) – Garoonka Diyaaradaha Aadan Cadde ee magaalada Muqidsho caasimadda Soomaaliya waxaa maqribnimadii caawa ka soo degtay Diyaarad gaar ah oo siday Maxaabiis Soomaaliyeed oo laga keenay dalka Hindiya.

Maxaabiistan Soomaaliyeed oo tiradooda ay gaareyso 41 ayaa waxaa dalka Hindiya kala yimid Xeer Ilaaliyaha Guud ee Qaranka Axmed Cali Daahir, Safiirada Soomaaliya ee dalka Hindiya iyo xubno kale.

Garoonka diyaaradaha Maxaabiista Soomaaliyeed waxaa ku soo dhaweeyay ra’iisul wasaaraha xukuumadda Federaalka ah ee Soomaaliya Xasan Cali Khayre, guddoomiye ku xigeenka labaad ee Mahad Cabdalla Cawad, Wasiirka Amniga, Wasiirka Cadaaladda, Wasiirka Caafimaadka, Wasiiru Dowlaha Wasaaradda Arrimaha dibadda, Xildhibaano iyo masuuliyiin kale.

Ra’iisul Wasaaraha Xukuumadda Federaalka ah ee Soomaaliya Xasan Cali Khayre oo warbaahinta kula hadlay Garoonka ayaa sheegay in caawa ay tahay guul kale oo u soo hoyatay Soomaaliya, wuxuuna tilmaamay in dalkooda hooyo ay ku soo dhaweynayaan Maxaabiistan.

“Waxaan caawa Muqdisho ku soo dhaweynay 41 Maxaabiis Soomaaliyeed ah, oo mudo ku xirnaa dalka Hindiya, 76 kale ayaa dhiman iyaguna bisha Febraayo ayay dalka imaan doonaan, sida aan ku heshiinay dowladda Hindiya, dowladdu sidoo kale waxay wadaa dadaal ku aadan sidii loo deyn lahaa Maxaabiista kale ee ku xiran wadamada kale.” Ayuu yiri Khayre.

Dhalinyaradan Soomaaliyeed ayaa dalka Hindiya waxaa lagu xiriray sanadkii 2011-kii, kuwaasi oo ilaa waqtigaas ahaa Maxaabiis xaaldooda ay aad u liidato, balse waxay danaynayeen in mar qura ay arkaan iyagoo jooga dhulkooda Hooyo, tii ayaana dhacday maanta, kadib dadaal dheer oo ay bixisay Dowladdan hada jirta.

C/raxmaan Diini, Hiiraan Online
[email protected]













Click here
1/19/2018 2:16 PM EST
Jimco, Janaayo, 19, 2018 (HOL) – Labo Wiil oo Soomaali ah ayaa la dilay Labo kalana waxaa soo gaaray dhawac halis ah kaddib toogasho xalay ka dhacday xaafadda Etobicoke ee magaalada Toronto dalka Canada.

1/19/2018 11:51 AM EST
Jimco, Janaayo, 19, 2018 (HOL) – Dowladda Soomaaliya ayaa sheegtay in ilaa 32 carruur ah ay ka soo badbaadiyeen Al-shabaab kaddib weerar ay ku qaadeen Iskuul ku yaala gobolka Shabeellaha dhexe.

1/19/2018 8:33 AM EST
Jimco, Janaayo, 19, 2018 (HOL)–Madaxweynaha dowladda Soomaaliya Maxamed C/llaahi Farmaajo iyo Wafdi uu hoggaaminayo ayaa gaaray magaalada Guri-ceel ee Gobolka Galgaduud, iyadoo safar dhulka ah kaga soo ambabaxay magaalada Dhuusa-Mareeb.

1/19/2018 6:23 AM EST
Jimco, Janaayo, 19, 2018 (HOL)-Wasiirka Qorsheynta xukuumadda Soomaaliya Jamaal Maxamed Xassan oo hadlayay Warbaahinta dowladda ayaa ka hadlay arrimo badan oo la xiriira Arrimaha bani’aadannimada.

1/19/2018 1:31 AM EST
Jimco, Janaayo, 19, 2018 (HOL)–Sarkaal ka tirsan ciidamada xoogga dalka ayaa faah faahin dheeraad ah ka bixiyay howlgalada gaarka ah ee ka socda degaanada gobolka Shabeellaha Dhexe.

1/19/2018 1:27 AM EST
Jimco, Janaayo, 19, 2018 (HOL)–Booliiska Maraykanka waxa ay xireen labo wiil oo yaryar, kuwaas oo la sheegay in ay u dhaceen beer shinni ah, burburiyeen, kadibna laayeen illaa nus malyuun shinni ah oo halkaasi malab ku dhalinayay.

1/19/2018 1:24 AM EST
Jimco, Janaayo, 19, 2018 (HOL)–Ergeyga gaarka ah Qaramada Midoobay ee Arrimaha Soomaaliya Micheal Keating oo ka qeyb-galay Shir-weynihii Dhuusa-mareeb ayaa ku baaqay in la dhaqan geliyo mideyntii maamulada Galmudug iyo Ahlusuna.

1/19/2018 1:19 AM EST
Jimco, Janaayo, 19, 2018 (HOL)–Wasiiru Dowlaha Wasaaradda Arrimaha Dibada Soomaaliya C/qaadir Axmed Kheyr ayaa kulanka golaha Wasiirada horgeeyay warbixin ku saabsan halka ay marayaan soo deynta Maxaabiista ku xiran dalka Hindiya.

1/19/2018 1:11 AM EST
Jimco, Janaayo, 19, 2018 (HOL)–Madaxweynaha dowladda Soomaaliya Maxamed Cabdullaahi Farmaajo ayaa sheegay in uu ka walaacsanyahay jiritaanka warar sheegaya ku xadgudub dhulalka danta guud ee caasimadda Muqdisho.