Arbaco, Janaayo, 17, 2018 (HOL) – Sadex ka mid ah
Suxufiyiinta ka hawlgala gobolka Sool ayaa ciidanka Boolisku xidheen,
qaar kalena in la raadinayo ayay sheegeen.
Suxufiyiintan oo qaarkood la siidaayey ayaa lagu eedeeyey
in ay qabanqaabiyeen tebiyeena tartan ciyaareed oo siyaasadaysan iyo gacan ka
hadal.
Mawliid Ismaal Somnews TV ka tirsan, Maxamed Bidhaanshe u
warama SBS TV iyo Xamse Darwiish oo Kalsan TV ah oo isaga lagu eedeeyey in
ciidanka uu la dagaalamayey, ayaa laba ka mid ah la siidaayey.
Ciidanka Booliska ayaa hada gacanta ku hayaan
Bidhaanshe oo taliyaha ciidanka Booliska uu sheegay in ay cadayn ku
hayaan in uu fal amni daro ah ku talaabsaday maxkamadna la keenayo.
Koox dhalinyaro ah oo ciyaartoy ah ayaa la xidhan, waxaana
ay timi atintan tartan ciyaareed oo mudo soo socdey dhamaadkiisii weriyahani
baahiyey in tartankan loogu mahac daray Farmaajo.
"Ma odhan karo weriyuhu denbi ma laha balse, waxaa
ciidanka qaadeen talaabo kale oo qalad ah, waxana ay noqotay qalad qalad
ku sax, taasina waa gaf" sidaa waxaa yidhi C/raxmaan Cali Ducaale
xoghaya ururka suxufiyiinta Gobolka Sool.
Si kastaba ha ajaatee waxaa mudo dheer kaga raystay
khilaafka Somaliland iyo suxiyiinta gobolka Soil iyadoo mudo sanad
ah laba jeer ay dhacday xadhig lahula koco saxafi oo kani ka mid yahay.
Seynab Cabdi Warsame
[email protected]
Laascaanood
