Talaado, Janaayo, 16, 2018 (HOL) –Magaalada Dhuusa-Mareeb
waxaa ka socta qabanqaabada munaasabad ballaaran oo lagu wado in lagu
dhameystiro heshiiskii horey u dhaxmaray Galmudug iyo Ahlu Sunna Waljameeca.
Galmudug iyo Ahlu Sunna ayaa ku heeshiiyay in labada maamul
la mideeyo kaddib wada hadalo ka dhacay Jabuuti laguna soo gabagabeeyay xarunta
madaxtooyada Villa Soomaaliya.
Dhuusa-Mareeb ayaa waxaa saacadaha soo socda gaari doona
wafuud kala duwan oo ka socta dowladda dhexe iyo Madaxda dowlad gobolleedyada oo dhamaantood
goob joog u noqon doona dhameystirka heshiiska labada dhinac.
Madaxweynaha dowladda Soomaaliya Maxamed Cabdullaahi
Farmaajo, madaxweynaha dowlad gobolleedka Galmudug Axmed Ducaale Geelle
Xaaf, hogaamiyaha maamulka Ahlu Sunna
Sheekh Maxamed Shaakir Cali Xassan, Wasiirro Xildhibaanno ka tirsan dowladda
Federaalka ayaa sidoo kale la filayaa in ay ka qeybgallaan munaasabada.
Sheekh Maxamed Shaakir Cali Xassan ayaa noqonaya madaxa
xukuumadda maamulka Galmudug, taasoo meesha ka saareysa jirintaanka maamulkii
gobollada dhexe.
C/raxmaan Diini,
Hiiraan Online
[email protected]