Axad, Janaayo, 14, 2018 (HOL ) – Madaxweynaha dowladda Soomaaliya Maxamed
Cabdullaahi Farmaajo iyo wafdi uu hoggaaminayo oo wali ku guda-jira socdaal ay
ku marayaan qaar ka mid ah gobollada dalka Soomaaliya ayaa maanta siweyn loogu
soo dhaweeyay Koonfurta magaalada Gaalkacyo ee gobolka Mudug.
Madaxweynaha waxaa siweyn halkaa uga soo dhaweeyay mas’uuliyiin ka tirsan maamulka Galmudug sida
Madaxweynaha Galmudug Axmed Ducaale Geelle, Wasiiro, iyo Xildhibaano iyo
dadweyne faro badan.
Madaxweynaha ayaa booqashadiisii Puntland ku soo gabagabeeyay xalay
Waqooyiga magaalada Gaalkacyo, waxaana hadda u bilaabanaya safar dhulka ah oo
uu ku mari doono qaar ka mid ah deegaannada uu arimiyo maamulka Galmudug.
Ammaanka guud ahaan maamul goboleedka Galmudug ayaa la adkeeyay iyadoo
ciidamo badan lagu arkayo inta badan magaalooyinka Galmudug.
Magaalada Dhuusa-mareeb ee xaruta gobolka Gal-guduud ayaa siweyn looga
dareemayaan qaban-qaabada soo dhaweynta wafdiga madaxweynaha, waxaana halkaa
lagu soo dhameystiri doonaa heshiiskii ay horay u gaareen Galmudug iyo Ahlu
Sunna.
C/raxmaan
Diini, Hiiraan Online
[email protected]
