Wafdi uu horkacayo Wasiirka Qorsheynta dowladda Federaalka oo lagu soo dhaweeyay Garoowe
Isniin, Janaayo, 01, 2018 (HOL) – Wafti uu hoggaaminayo
Wasiirka Qorshaynta & Xiriirka Caalamiga ah ee Dawlada Federaalka
Soomaaliya Jamaal Maxamed Xassan ayaa soo gaaray Magaalada Garoowe ee Xarunta
Maamul Goboleedka Puntland.
Weftiga waxaa ku soo dhoweyey Garoonka Diyaaradaha ee Garowe Wasiirka
Qorshaynta Puntland Shire Xaaji Faarax, Wasiirka Waxbarashada & Tacliinta
Sare ee Puntland Abshir Aw-Yuusuf Ciise, Mas’uuliyiin kala duwan oo ka tirsan
Maamulka Puntland iyo dawdwayne kaga hortegay banaanka magaalada iyo garoonka u
dhexaysa.
Wasiirka Qorshaynta Puntland Shire Xaaji Faarax ayaa halkaasi ugu horayn la
hadlay saxaafadda oo sheegay in uu ku faraxsan yahay booqashada wafdiga ka
socda dowladda Federaalka ee Soomaaliya.
”Maanta waxaa sharaf wayn noo ah in aan Wasiirka Qorshaynta, Maal-geshiga
iyo horumarinta dhaqaalaha Jamaal Maxamed Xassan in aan ku soo dhoweeyno
Puntland, Wasiir soo dhowow waxaad timid gurigaagii aad baa laguu sugaayey”
ayuu yiri Wasiir Shire Xaaji Faarax.
Intaasi kaddib,Wasiirka Qorshaynta, Maal-geshiga iyo horumarinta &
Dhaqaalaha Dawlada Federaalka Soomaaliya Jamaal Maxamed Xassan ayaa markiisa la
hadlay Wariyeyaasha waxaana uu ka mahad celiyey sida wanaagsan ee masuuliyiinta
iyo shacabka reer Puntland ugu soo dhoweyeen Magaalada Garoowe.
”Dhammaan Dalwada Puntland Wasiiradda Amniga, Qorshaynta iyo Wasiir ku
xigeenka deegaanka, Cuqaasha , Salaadiinta, dhamaan dadka halkan iskugu yimid,
Sida Wasiir Shire Xaaji uu sheegay Puntland waa gurigaygii aad iyo aad bana ugu
faraxsanahay in aan maanta Garoowe idin ku soo booqdo, maalmahana waan joogayaa
waxaan u imid shaqo, waxaan rabaa hadii Allah idmo bal inaan aragno wanaaga iyo
horumarka aad gaarteen aannu fiirino wixii aan ku kordhinkarnona aan ku
kordhino hadii Alah idmona maalmahan waan is arki doonaa” ayuu yidhi Jamaal
Maxamed Xassan.
Weftiga ka socda
Dawlada Federaalka Soomaaliya uu hoggaaminayo Wasiirka Qorshaynta,
Maal-geshiga iyo Horumarinta & Dhaqalaha Jamaal Max’ed Xassan ayaa ku soo
aadaya iyadoo Garoowe iyo guudahaan Puntland la isku diyaarinayo soo dhoweynta
Madaxwaynaha Dawlada Federaalka Soomaaliya Maxamed Cabdullaahi Farmaajo oo la
faliyo in uu dhowaan soo gaarayo Puntland.
Sanaag.so
