Al-shabaab oo xalay weerar ku qaaday Barkoontarool oo ay ku sugnaayeen ciidamo ka tirsan dowladda
Isniin, Janaayo, 01, 2018 (HOL) – Xoogag ka tirsan Al-Shabaab ayaa xalay
weerar ku qaaday bar kontarool oo ku taal
meel u dhexeysa degmada Balcad iyo Jowhar ee gobolka Sh/dhexe.
Iska horimaad culus ayaa la sheegay in uu dhaxmaray ciidamadii ku sugnaa
barta koontarool iyo kooxdii soo weerartay ayna ka dhasheen qasaare isugu jirta
dhimasho iyo dhaawac.
Xoogagga weerarka ku qaaday deegaanka
u dhexeeya Qalimow iyo Gololey laguna magacaabo Ceelka Geelow ayaa la sheegay
in ay la wareegeen barta koontarool kadib markii ciidamadii dowlada ee halkaas
ku sugnaa ay dib uga gurteen,waxayna gubeen guryo cooshado ka sameysan oo ku
yiil deegaankaas.
Wararka ayaa waxa ay intaa ku darayaan in dagaalyahanada Al-shabaab ay isaga
baxeen deegaanka Ceelka Geelow xilli dambe oo xalay ah.
Illaa iyo hadda lama oga qasaaraha rasmiga ah ee ka dhashay weerarkan hase
ahaatee waxa wararku ay tilmaamayaan in ciidamadii kusugnaa barta koontarool ay
soo gaartay qasaare isugu jirta dhimasho iyo dhaawac.
Waa markii labaad ee ay dagaalyahanada Al-Shabaab weeraraan bartan
koontarool ee deegaanka Ceelka Geelow. Mana jirto illaa iyo hadaa wax war
ah oo ka soo baxay maamulka gobolka Sh/dhexe iyo kan dowlad goboleedka
Hirshabelle.
C/raxmaan Diini, Hiiraan
Online
[email protected]
