Talaado,
Feberaayo, 27, 2018 (HOL) - Iska horimaadka ayaa dhacay kaddib markii xoogag ka
tirsan Al-shabaab weerar culus ku qaadeen maanta ciidamo kuwa dowladda ah oo howlgal
ku jiray, sida uu sheegay guddoomiye ku-xigeenka gobolka Gedo
Sheekh Maxamed Xusseen Al-Qaaddi.
Guddoomiye
ku-xigeenka oo la hadlay Idaacada VOA ayaa sheegay in weerarkaas ku dileen Shan
ka tirsan xoogagga Al-shabaab, laakiin ma uusan sheegin
dhinacooda wax khasaare ah oo soo gaaray.
''Ciidamada
oo ku jira howlgal Roondo ah ayaa weerar waxaa ku soo qaaday dagaalamayaal ka tirsan Al-shabaab, ciidamadu
waa ay iska caabiyeen waxaa ay halkaa ku dileen Shan ka tirsan Al-shabaab'' ayuu yiri Al-Qaadi.
Dadka
deegaanka ayaa warbaahinta u sheegay in dagaalka uu qaatay wax ka badan Afar
Saacadood oo dhicyadu isku adeegsadeen hubka culus.
Gobolka
Gedo ayaa ka mid ah deegaannada Koonfurta Soomaaliya oo ay ku xooggan yihiin
dagaalamayaasha Al-shabaab.
C/raxmaan Diini,
Hiiraan Online
[email protected]