Kenya oo beenisay in ay ciqaabto dhalinyarada ka tirsan Al-shabaab ee isku soo dhiiba
Isniin, Feberaayo, 26, 2018 (HOL) – Dowladda Kenya ayaa sheegtay in aysan jirin wararka ay sheegaya
sheegay in xarig iyo jirdil kula kacaan dhalinyarada ka soo baxsanaysa dhaq dhaqaaqa
Al-shabaab.
Arintan ayaa soo ifbaxday kaddib markii ay dhalinyarada Kenya ee dega
magaalooyinka xeebta dhaca ay bilaabeen in ay ka baxsadaan howlgalladda
ciidamada Kenya oo la sheegay in lagu haayo dhibaateyn iyo dil sharciga ka
baxsan.
Gudoomiyaha magaalada Mombasa Evans Achoki ayaa tilmaamay in dhalinyarada ka
soo laabanaysa Al-shabaab ay gacan furan ku soo dhawenayaan.
‘’Ma dhibibaateyn doono,xukuumaddana waxa ay diyaar u tahay soo dhaweyntooda
iyo in ay dhageysato Baahiyaha ay qabaan waxaan damanad qaadi doonaan amaankoodi mar haddii
ay Dowladda isku soo dhibeen ayuu yiri Evans Achoki gudoomiyaha magaalada
Mombasa.
Agaasimaha Machadka baaritaanada ee Haki Africa Yuusuf Abubakar ayaa shaaca
ka qaaday in awood ka baxsan mida sharciga oo loo adeegsado dhalinyarada ka
imaanaysa dhinaca Al-shabaab ay ku qasbi doonto dhalinyarada inay xagjiriin
noqdaan.
Waxaa uu intaa ku darray in wadamada
Syria,Iraq,Britten iyo Spain ay wajahayaan argagexiso balse aysan ku xadgudbin
arimaha xaquuqda aadamaha waxana ay ku guuleysteen dagaalka argagexisada.
Booliska Kenya ayaa howlgalo balaaran ka sameenaya meelaha lagu tuhmayo inay
dhalinyarada taagersan Al-shabab ay kasoo weerar tagaan,hay’adaha xaquuqda
aadamaha ayaa ku eedeyay Kenya in ay si bareer ah u daldalayso dadka abriyada
ah iyadoo saraakisha Kenyaanka ay arimahaasi beeniyeen.
C/raxmaan Diini, Hiiraan Online
[email protected]
