Isniin, Feberaayo, 26, 2018 (HOL) – Dowladda Ciraaq ayaa
lagu waramayaa in ay dil ku xukuntay ku dhawaad ilaa 15 haween Turki ah, kuwaa
oo ay ku eedeysay in ay ka tirsan yihiin Ururka la baxday dowladda Islaamiga ah.
Maxkamad ku taala dalka Ciraaq ayaa sheegtay in haweenkan
qirteen in ay dhaxeen sida ay maxkamadu
hadalka u dhigtay rag ka tirsan Ururka dowladda Islaamiga ah, sidoo kale
maxkamadu waxaa ay sheegtay in ay qirteen sidoo kale in ay weerarro ka qeybqaateen.
Dhawr dumara oo kale oo shisheeye ah ayaa mar hore
iyagana dil lagu xukumay oo isla eedo kuwan la mid ah lagu oogay, kuwo kalena
waxa lagu xukumay madaxaa ha ku furto.
Boqolaal dumar
shisheeye ah ayaa lagu qabtay Ciraaq intii uu socday dagaalkii ay dawladdu kula
jirtay kooxda la baxday Dawladda Islaamka, waxaana haatan socota
maxkamadayntooda.
Ururada u dooda
xuquuqda aadanaha ayaa dhaleeceeyey xukunnadaa ku dhacay haweenkaas iyo sidoo
kale hanaanka garsoor ee la mariyey oo waxaay ku tilmaameen mid aan caddaalad
ahayn.
C/raxmaan Diini, Hiiraan Online
[email protected]
