Isniin, Feberaayo, 26, 2018 (HOL)–Dowladda Soomaaliya ayaa u muuqata mid la dadaalaa dhaceysa sugida Amniga magaalada Muqdisho kaddib weerarkii kooxo hubeysan ka geysteen habeennimadii Jimihii ina dhaafay.
Wasiirka Wasaaradda Amniga Soomaaliya
Maxamed Abuukar Isloow Ducaale ayaa ciidamada millitariga Soomaaliya ee ka imaanaya Shabeelooyinka uga
digay in ay Hubka waa weyn la soo galaan gudaha magaalada, sida Daba-jeexa iyo
Qoriga Dhashiikaha.
Wuxuu sheegay arrintan in uu kala hadlay taliyaha ciidamada xoogga dalka,
wuxuuna Taliyaha soo saaray wareegto ah, marka ciidamada xoogga imaanayaan
Muqdisho in ay fasax ka qaataan taliska millitariga.
Sidoo kale wuxuu sheegay wasiirka ayaa sheegay in aan la aqbali karin in magaalada ay noqoto furin dagaal oo lagu
dhexsito Hubka waa weyn oo shacabka lagu qalqal geliyo, taasi bedelkeedana magaalada
ay noqoto mid ka caagan Hubka.
“Waxaan rabnaa millitariga Labada Shabeellaha marka ay soo galayaan
magaalada Muqdisho in magaalada aan lagu wadan doonin Hubka waa weyn sida
Daba-jeexa, Cabdi Bilaha iyo Qoryaha kale ee waa weyn.” Ayuu yiri Wasiirka
Amniga.
Golaha Wasiirada Soomaaliya ayaa 17-kii May 2017-kii xadiday Hubka
masuuliyiinta Dowladda Federaalka ay ku dhex wadan karaan Magaalada, waxayna
sheegeen inaan la qaadan karin Qori ka weyn AK-47, lana wadan karin ilaalo ka
badan Afar Askari, taasi oo u muuqata in weli aysan dhaqan galin.
C/raxmaan Diini, Hiiraan Online
[email protected]
