Axad, Feberaayo, 25, 2018 (HOL) - Madaxweynaha Turkiga Recep Tayyib Erdogan ayaa booqasho rasmi ah oo
qaadan doonta maalmo wuxuu ku bixin doonaa afar dal oo Africaan ah.
Madaxweynaha Turkiga ayaa booqanaya dalalka kala ah:-
Algeria, Mauritania, Senegal iyo Mali, waxaana uu kulamo la qaadan doonaa
madaxda wadamadaas uu kala hadli doono arimo kala duwan oo laba dalka ay dan
ugu jirto.
Safarka Erdogan ayaa saameyn kala duwan ku yeelanaya
wadamadaan Qaarada Afrika dhaca, wuxuu ku horeyn doonaa wadanka Algeria oo uu
tagayo 26ka bishaan, waana markii labaad oo maadxweyne Turki ah uu tago wadanka
Algeria, dhankale wadamada Mauritania iyo Mali ayaa noqon doonta booqashada uu
ku tagayo tii u horeysay ee Madaxweyne Turki ku tago dalalkaas.
Safarka Madaxweynaha Turkiga uu ku bixinaayo afartaan
wadan oo dhaca Qaarada Afrika ayaa waxaa shaaciyay madaxtooyada wadankaas
Turkiga.
C/raxmaan Diini, Hiiraan Online
[email protected]