Axad, Feberaayo, 25, 2018 (HOL) - Ururka
Iskaashiga Islaamka ayaa war kasoo saaray Qaraxyadii ka dhacay Magaalada
Muqdisho habeen hore ayaa waxa ay sheegeen in aysan sameyn ku yeelan doonin
Howlaha Xasilinta ah ee ay waddo xukuumadda Soomaaliya.
Sidoo kale waxaa lagu sheegay warka kasoo baxay OIC in Xukuumadda Soomaaliya
laga doonaayo in ay dar-dargeliso dagaallada ka dhanka ah Al-Shabaab ee ka
socda Koonfurta iyo Bartamaha Soomaaliya.
Xoghayaha guud OIC Dr. Yusuf Al-Othaimeen ayaa sheegay in Ururka
OIC oo ay Soomaaliya qeyb ka tahay in ay sii laba jibaari doonaan taageeradda
ay siiyaan dowladda Soomaaliya.
Waxaa uu sidoo kale xusay in ay ka qeyb qaadan doonaan sidii loo caawin lahaa
dadkii ku dhaawacmay Qaraxyadii Muqdisho, islamarkaana ay u heli
lahaayeen adeeg Caafimaad oo tayeysan.
Ku dhawaad 40 ayaa ku dhintay weeraro iyo qaraxyo is xigxigay oo habeen hore
ka dhacay Muqdisho.
Dadka dhintay ayaa isugu jiray rayid, askar ka tirsan dawladda iyo kooxdii
weerarka qaaday ee Al-Shabaab.
C/raxmaan Diini, Hiiraan Online
[email protected]