Axad, Feberaayo, 25, 2018 (HOL) – Kaaliyaha
Xog-hayaha guud ee Booliska Bariga Afrika, Kale Kayihura ayaa xaqiijiyay in
Uganda iyo Booliiska gobolka Bariga
Afrika ay ku guuleysteen in ay jabiyaan Al-Shabaab, islamarkaana ay ka
hortagaan weeraradda ay Al-Shabaab ay la damcsanaayeen Qaar ka mid ah dalalka
Afrika.
Waxaa uu sheegay in ay ka guuleysteen xitaa haddii ay wali dhibaato ka
Waddaan Gudaha Soomaaliya.
Gen. Kayihura Waxaa uu hadalkaan ka sheegay shirkii xubnaha ururka
Isbahaysiga Bilayska ee Bariga Afrika (EAPCCO) , waxaana uu sheegay in
xilliggaan Soomaaliya iyo dalal kale ay u baahan yihiin in la caawiyo.
Kayihura, oo sidoo kale ah guddoomiyaha EAPCCO, ayaa ugu baaqay dhammaan
hay’adaha iskaashiga inay la yimaadaan ajandaha sida loo caawiyo Soomaaliya iyo
DR Congo si ay ula dagaallamaan dambiyada xudduudaha ee gobolka.
EAPCCO waxaa la aasaasay sannadkii 1998-kii iyada oo ah jawaab-celin heer
gobol ah si loola dagaallamo denbiyada ku-meel-gaarka ah iyo kuwa abaabulan ee
gobolka Bariga Afrika.
Waxaana Ururkaasi Xubno ka ah Uganda, Kenya, Tansaaniya, Itoobiya,
Burundi, Jabuuti, Eritrea, Rwanda, Soomaaliya iyo Seychelles.
C/raxmaan Diini, Hiiraan Online
[email protected]
