Sabti, Feberaayo, 24, 2018 (HOL) - Khilaaf
sababay dib u dhac ayaa ka dhashay doorashada mid ka mid ah Kuraasta ka
bannaan golaha shacabka oo maanta lagu wadday in Muqdisho lagu qabto
doorashadiisa.
Qaar ka mid ah Ergooyinka ayaa bilaabay Buuq iyo sawaxan markii ay bilaabatay
doorashadda sidda ay xaqiijiyeen guddiga doorashooyinka.
Kursiga ka bannaan Golaha Shacabka ayaa waxaa ku tartami lahaa
musharaxiinta kala ah C/raxmaan Axmed Ceynaan iyo musharax Faatax Saciid Xassan,
laakiin buuq kaddib doorashadii dib ayaa loo dhigay.
Guddoomiyaha guddiga doorashada Xaliimo Ismaaciil ayaa warbaahinta u sheegtay in dib
loo dhigay doorashadda Kursigan.
Waxaa ay sidoo kale ay sheegtay in ay dib ka soo sheegi doonaan xilliga ay
dhaceyso doorashadda kursigaasi, maadaama Ergooyinka ay jabiyeen Sharciga
doorashadda.
Maalmihii ugu dabeeyayba guddiga doorashooyinka ayaa waday buuxinta Kuraasta
ka bannaan golaha Shacabka, waxaana lagu waddaa in magaalada Cadaado lagu qabto
Kursi ka mid ah kuraasta golaha shacabka.
C/raxmaan Diini,
Hiiraan Online
[email protected]
