Jimco, Feberaayo, 23, 2018 (HOL) – Waxaa
maanta oo Jimco ah dalka Jabuuti ka bilaabaneysa codbixinta doorashada
baarlamaanka oo ay ku tartamayaan Xisbiyada siyaasada dalkaas.
Guddoomiyaha guddiga doorashooyinka Baarlamaaniga ah ee dalka Jabuuti Diini
Maxamed Burhaan, ayaa VOA u sheegay ayaa sheegay in ay si hufan u kormeeri
doonaan goobaha ay codbixintu ka socdaan.
Waxaa uu meesha ka saaray in jiro
tuhun ah in doorashada lagu gacan bidxaynayo mucaaradka, wuxuuna sheegay in ay
taasi tahay kalsooni darro, isagoo intaa raaciyay in mucaarad iyo muxaafadba ay
halkaasi u joogi doonaan wakiillo.
Lixdii aroornimo ee Saakay ayay cod-bixintan si isku mid ah ugu billaabatay
dhammaan gobollada dalka, iyadoo ay Kuraasta ugu badan oo ah 35 ay taallo magaalada
caasimadda ah ee Jabuuti.
Doorashada Baarlamanka dalka Jabuuti ayaa haddii uu ku guuleysto Xisbiga
talada haya ee UNB waxay fududeyn kartaa in markii shanaad xilka madaxtinimo
loo doorto madaxweyne Ismaaciil Cumar
Geelle.
C/raxmaan Diini, Hiiraan Online
[email protected]
