Odayaasha Koonfur Galbeed : Waa in doorashada dib loo dhigaa inta xaaladu ka degeyso
Axad, December, 16, 2018 (HOL) – Iyadoo loo balansan yahay in 19ka bishan magaalada Baydhabo lagu
qabto doorashada madaxweynaha maamulka Koonfur Galbeed, ayaa waxaa isa soo
taraya baaqyada loo jeedinayo guddigga doorashada oo laga dalbanayo in ay dib u
dhigaan waqtiga doorashada in xaalka magaalada Baydhabo laga dajinayo.
Xaaladda magaalada Baydhabo oo maalamahan ba kacsaneyd kadib markii dowladda
Federaalka ay xabsiga dhigtay Mukhtaar Robow oo kamid ah musharixiinta
doorashada ayaa odhayaasha dhaqanaka waxaa ay sidoo kale shegeen jawiga hadda
uusan aheyn mid sahlaya in doorasho ay la qabto.
''Intii jawi degan laga helayo, dadka na laga la
hadlayo oo xaaladda ay ka degeyso waxaan ugu baaqnay guddiga doorashaeda iyo ku
simaha madaxweynaha in dib loo dhigo doorashada''.Sidaasi waxaa yiri Malaaq
Cali Cabdiraxmaan Shiino oo ka mid ah odhayaasha Koonfur Galbeed.
Baaq kan la mid ah waxaa maalintii shalay soo
saaray guddoomiyaha Golaha Shacabka Maxamed Mursal Sheekh Cabdiraxmaan oo
Guddiga Doorashada ka dalbaday in dib loo dhigo waqtiga doorashada, isaga oo
dhinaca kalana ku baaqay in deg deg loo sii daayo Mukhtaar Rooboow oo ka mid ah
musharixiinta u taagan xilka madaxweynaha maamulka Koonfur Galbeed.
Musharixiinta xilka madaxweynaha ayaa
maanta qorshuhu yahay sida ku qoran jadwalka doorasahada in ay khudbadahooda ka
hor jeedinayaan xildhibaannada Koonfur Galbeed, waxaana musharixiinta la
filayay in ay maanta hadlaan ka mid ah Mukhtaar Roobow oo u xiran dowladda
Soomaaliya.
C/raxmaan Diini,
Hiiraan Online
[email protected]
