Maxaa ka jira in hub ka dhigis lagu sameeyay la-taliyaha Guddoomiyaha Golaha Shacabka?.
Sabti, December, 15, 2018 (HOL)-Warar hoose oo soo baxay ayaa sheegaya in hubkii laga dhigay ay wateen iyo gaadiid dagaal illaada C/qaadir Maxamed Nuur Jaamac oo hadda ah la taliyaha Gudoomiyaha Golaha Ssacabka Somaliya horeyna u soo noqday Taliye ku xigeenka Hay’adda Nabad sugidda iyo Sirdoonka Qaranka ee NISA.
Ciidanka Jaamac ayaa dhamaadka
isbuucii ina dhaafay la sheegay in looga yeeray Xarunta Xisbiga oo Talis ciidan
u ah qeyb ka mid ah Ciidamada Dowladda, iyagoo loo shegay in lau siin doono
Mushaarkooda,
Balse xaalka ayaa
tilmaamayaa in uu isbadalay markii halkaasi ay tageen iyadoo lagu wargeliyay
inay hubka dhigaan gaadiidkana ay wataanna taliska ay uga tagaan.
Sababta hub ka dhigista
loogu sameyay ilaalada la taliyaha Gudoomiyaha Golaha Shacabka Soomaaliya ayaa
lala xiriirnayaa in ay tahay Mooshinka laga keenaya Madaxweyne Farmaajo oo uu
gacanta ku hayo gudoomiye Mursal.
Waxaase xusid mudan in laamaha
ammaanka Dowladda, Guddoomiyaha Golaha Shacabka iyo Jaamac midkoodna aanu wali
ka hadlin xaqiiqada ka dambeysa hub ka dhigista.
Waloow jiraanka warkaan
ay noo xaqiijiyeen xubno ku dhaw xafiisyada sar sare ee madaxda dalka.
Nurre Mohamed Ali ,Hiiraan Online
[email protected]
