Khamiis, December, 13, 2018
(HOL)- Saacaadaha soo socda ayaa lagu
wadaa in magaalada Muqdisho uu soo gaaro wafdi uu hoggaaminayo madaxweynaha
Eritrea Isaias Afwerki iyo wafdi
ballaaran uu hoggaaminayo.
Amaanka magaalada Muqdisho ayaa
siweyn loo adkeeyay waxaa la xiray inta badan isgoysyada iyo jidadka muhiimka
ah ee magaalada Muqdisho oo lagu arkayo ciidamo aad u hubeysan oo suganaya
nabad-galyada magaalada.
Madaxweynaha Soomaaliya Maxamed
Cabdullaahi Farmaajo ayaa la filayaa in uu ku soo dhaweeyo wafdiga madaxweynaha
Eritrea garoonka diyaaradaha magaalada Muqdisho.
Booqashada wafdiga ayaa la
filayaa in ay qaadato muddo labo cisho waana booqasho taariikhi ah oo markii
ugu horeysay madaxweynaha dalka Eritrea uu ku soo gaaro magaalada Muqdisho.
Madaxweyne Farmaajo iyo dhiggiisa Eritrea ayaa ka
wada hadli doona xoojinta xiriirka labada dal oo dhowaan dib u bilowday.
Booqashadan ayaa imaaneysa xili xiisad
siyaasadeed uu galay dalka, kaddib mooshin xil ka qaadis oo laga keenay
Madaxweyne Farmaajo oo dhowaan ay gudbiyeen Xildhibaano ka tirsan Baarlamaanka.
Wixii warar ah ee ka soo kordha waan idin soo gudbin doonnaa…
C/raxmaan Diini, Hiiraan Online
[email protected]
