3/29/2024
Today from Hiiraan Online:  _
Wararka Maanta- Talaado, Dec 11, 2018
Dibadbaxyo dad ay ku dhaawacmeen oo ka dhacay magaalada Baydhabo

 

Talaado, December, 11, 2018 (HOL) - Wararka ka imanaya magaalada Baydhabo ayaa sheegaya in ilaa saddex ruux ay ku dhaawacmeen dibadbaxyo ballaaran oo loogu soo horjeedo madaxweynaha dowladda Soomaaliya.

Dibadbaxyadan oo ahaa kuwo lagu taageerayay mooshinka ka dhanka ah madaxweynaha Soomaaliya, dhinaca kale-na taageero loogu muujinayay guddoomiyaha Baarlamaanka ayaa dadkii isku soo baxay waxaa rasaas ku furay ciidamo ka tirsan Booliiska ee ku sugan magaalada Baydhabo, taasoo keentay in ay ku dhaawacmeen ilaa saddex ruux oo ka mid ahaa dadkii dibadbaxa dhigayay.

Dibadbaxayaasha oo markii danbe isugu soo baxay fagaaraha Afar Irdoodka ayaa waxaa la hadlay odayaal iyo waxgarad sheegay in ay taageersan yihiin mowqifka xildhibaannada mooshinka ka keenay madaxweynaha Farmaajo.

Waa dibadbaxii ugu horeeyay ee ka dhaca meel ka baxsan caasimada oo loogu soo horjeedo madaxweynaha tan iyo markii uu soo ifbaxay warka ku saabsan mooshinka.

C/raxmaan Diini, Hiiraan Online
[email protected]

 













Click here
12/11/2018 1:40 PM EST
Talaado, December, 11, 2018 (HOL)- Madaxweynaha Soomaaliya,Maxamed Cabdullaahi Farmaajo ayaa soo dhaweeyay warbixin ay soo saartay hay’adda lacagta adduunka(IMF), taasoo lagu sheegay in Soomaaliya ay ku socoto waddadii horumarka.

12/11/2018 1:31 PM EST
Talaado, December, 11, 2018 (HOL)- Madaxweynihii hore ee Soomaaliya, Cabdiqaasim Salaad Xasan ayaa isagoo ku sugan magaalada Qaahira ee dalka Masar ayaa waxa uu sheegay in waddanka uu ka jiro isbaddal ballaaran loona baahanyahay in dalka aanan dib loo celin,sida ay baahisay wakaaladda wararka SONNA.

12/11/2018 1:24 PM EST
Talaado, December, 11, 2018 (HOL)- Wasiirka Waxbarashada Hiddaha iyo tacliin sare ee Xukuumadda Federaalka Soomaaliya,Cabdullaahi Goodax Bare ayaa kulan sagootin ah ugu Sameeyay magaalada Muqdisho Gudoomiye ku xigeynka Jaamacadda Africa ee ku taalla dalka Suudaan.

12/11/2018 1:18 PM EST
Talaado, December, 11, 2018 (HOL)- Xildhibaannada mooshinka ka keenay madaxweynaha dowladda federaalka ah ee Soomaaliya, Maxamed Cabdullaahi Farmaajo ayaa kulan ay maanta ku yeesheen xarunta Villa Hargeysa ayaa baaq u diray madaxweynaha.

12/11/2018 1:06 PM EST
Talaado, December, 11, 2018 (HOL)- Booqashadii ugu horreeysay oo wadajir ah ayaa lagu wadaa inay magaalada caasimadda ah ee Muqdisho ku tagaan hoggaamiyayaasha Itoobiya iyo Eritrea , sida laga soo xigtay ilo xogo-gaal ah oo ku dhow Villa Somalia.

12/11/2018 12:49 PM EST
Talaado, December, 11, 2018 (HOL)– Ciidamada ilaalada Villa Somalia waxaa ay dib u celinayaan gaadiidkii gali jiray madaxtooyada oo ay wateen shaqaalaha xarunta, kuwa dowladda, iyo xildhibaanada, marka laga reebo tiro yar oo heysta fasax gaar ah.

12/11/2018 3:29 AM EST
Talaado, December, 11, 2018 (HOLXildhibaano katirsan golaha shacabka Soomaaliya ayaa sheegay in guddoomiyaha ay u gudbiyeen mooshin ka dhan ah madaxweynaha Soomaaliya, Maxamed Cabdullaahi Farmaajo.

12/11/2018 3:22 AM EST
Talaado, December, 11, 2018 (HOL)– Madaxweyne ku-xigeenka Puntland,Cabdixakiin Cabdullaahi Cumar Camey ayaa ka laabtay dacwad ka dhan ah madaxweynaha Puntland , taas oo salka ku haysay magacaabista guddiga xallinta khilaafaadka ee Baarlamaanka Puntland oo madaxwayne kuxigeenku ka horyimid guddigii madaxwaynaha uu magacaabay.

12/11/2018 3:22 AM EST
Talaado, December, 11, 2018 (HOL)-Qoraal ka soo baxay xoghayaha Golaha Shacabka sidoo kale-na loo diray guddoomiyaha Golaha Shacabka Maxamed Mursal Sheekh Cabdiraxmaan ayaa lagu sheegay in uu buray sharciyan mooshinkii laga keenay madaxweyne Maxamed Cabdullaahi Farmaajo.

12/11/2018 3:12 AM EST
Talaado, December, 11, 2018 (HOL)-Soomaaliya ayaa la filayaa in maanta ay markii ugu horreysay muddo 30 sano ah si daahfuran u bixiso shatiyo kalluumeysi oo la siinayo iskaashatooyin ka soo jeedo dalka Shiinaha.

12/11/2018 3:10 AM EST
Talaado, December, 11, 2018 (HOL)– Musharraxa xilka madaxweynaha Puntland ee doorashada 2019-ka,mudane Saciid Cabdullaahi Deni oo booqasho ku jooga magaalada Gaalkacyo ee xarunta gobolka Mudug ayaa kulan qado sharaf la qaatay nabadoonnada,waxgaradka iyo qaybaha bulshada ee magaalada Gaalkacyo.

12/11/2018 2:56 AM EST
Talaado, December, 11. 2018 (HOL)-Xubno ka mid ahxafiiska Ra’iisul wasaaraha Soomaaliya Xasan Cali Kheyre iyo saraakiil ka socda Wasaaradda Arrimaha Dibedda Soomaaliya ayaa si horudhac ah ugu wajahan magaalada Doha ee caasimadda Qatar.

12/11/2018 2:51 AM EST
Talaado, December, 11, 2018 (HOL)-Sareeye gaas Daahir Aadan Cilmi Indha-qarshe Taliyaha Ciidanka Xoogga Dalka Soomaaliyeed oo kormeer ku tagay Saldhigga ciidanka kumaandooska Danab oo ku yaalla Degaanka Balidoogle ee Gobolka Shabellada Hoose, awuxuunala yeeshay kulumo is xog wareeysi oo ku aadan sida ay u socdaan howlgalada qorsheysan.

12/11/2018 12:58 AM EST
Talaado, December, 11, 2018 (HOL)–Sida laga soo xigtay qaar ka mid ah mudanayaasha Golaha Shacabka saacadaha soo socda ayaa lagu wadaa in guddoomiyaha Baarlamaanka Soomaaliya Maxamed Mursal Sheekh Cabdiraxmaan uu la hadlo warbaahinta.

12/11/2018 12:41 AM EST
Talaado, December, 11, 2018 (HOL)–Iyadoo wali ay taagan tahay xiisada siyaasadeed ee ka dhalatay mooshinka ka dhanka ah madaxweynaha dowladda Soomaaliya Maxamed Cabdullaahi Farmaajo ayaa waxaa soo ifbaxaya eedeymo culus oo qaar ka mid ah xildhibaannadu soo jeedinayaan