3/29/2024
Today from Hiiraan Online:  _
Wararka Maanta- Sabti, Aug 11, 2018
Dowladda Soomaaliya oo howlgalisay golaha Dhaqaalaha Qaranka

 

Sabti, August, 11, 2018 (HOL) -Dowladda Soomaliya ayaa si rasmi ah u howlgalisay golaha dhaqaalaha Qaranka oo bishii July ee ina dhaaftay lagu magacaabay wareegto ka soo baxday madaxweynaha dowladda Soomaaliya.

Ra’iisal wasaaraha xukuumadda Soomaliya Xassan Cali Kheyre ayaa sheegay in hay’addaha dhaqaalaha dalka yihiin kuwo liito, hasse ahaatee wixii hadda ka danbeeyay lagu maareyn doono dhaqaalaha dalka sida la mid ah sida wadamada ee caalam-ku ku dhaqmaan.

Ra’iisal wasaare Kheyre ayaa hadalka ka sheegay kulan lagu daah –furayay golaha Dhaqaalaha Qaranka, waxaana ka qeybgalay kulanka oo ka dhacay magaalada Muqdisho xubno ka tirsan gollaha.

Kheyre ayaa sheegay in dowladda wixii hadda ka danbeya ku shaqeyn doonto tallooyinka dhinaca dhaqaalaha oo ay soo bandhigaan guddigan, taasoo kaalin ka qaadan doonta ayuu yiri horumaritan dhaqaalaha.

Hadafka laga leeyahay dhismaha guddigan ayuu ku sheegay in uu yahay sidii tallada guud ahaanba dalka dib loogu soo celin lahaa gacanta shacabka Soomaaliyeed, muwaadinkana uu heli lahaa xaquuqdiisa aas-aasiga ah.

C/raxmaan Diini, Hiiraan Online
[email protected]













Click here
8/11/2018 2:30 PM EST
Sabti, August, 11, 2018 (HOL) - Warar ka imanaya Jubbaada hoose ayaa sheegaya in dagaal culus oo u dhaxeeya labo beelood uu ka dhacay deegaan Galbeed ka xiga magalada Kismaayo sida ay sheegeen wax-garadka deegaanka.

8/11/2018 10:54 AM EST
Sabti, August, 11, 2018 (HOL) - Maxkamada Sare ee dalka Kenya ayaa shalay ku amartay labo (2) hay’adood oo laga leeyahay dalka Finland in ay joojiyaan lacago ay si khaldan oo been abuurasha ah ugu bixinayeen magaca Ururka Qaranka Suxufiyiinta Soomaaliyeed ee NUSOJ.

8/11/2018 9:00 AM EST
Sabti, August, 11, 2018 (HOL)-Magaalada Jigjiga ee dowlad deegaanka Soomaalida Itoobiya waxaa maanta uu shir ku dhaxmaray saraakiil ka tirsan dowladda dhexe ee federaalka Itoobiya oo ka soo duulay magaalada Addis Ababa iyo odayaasha dhaqanka deegaanka.

8/11/2018 7:49 AM EST
Sabti, August, 11, 2018 (HOL)-Madaxweynaha Somaliland Muuse Biixi Cabdi ayaa maanta soo saaray go’aan lagu burinayo Hanti dawladdu lahayd oo shirkaddo gaar ah maamulayeen, waxaanu sheegay in dib loogu soo celiyey gacanta dawladda.

8/11/2018 5:18 AM EST
Sabti, August, 11, 2018 (HOL)-Waddada isku xirtay Balcad iyo Jowhar waa halka ugu khatarsan marka lagu safrayo dhulka, waxaana marar badan hore weerarro sababay khasaare isugu jira dhimasho dhaawac ka geystay dagaalamayaasha Al-shabaab.

8/11/2018 4:59 AM EST
Sabti, August, 11, 2018 (HOL)-Mid ka mid ah Farsasmayaqanada diyaaradaha oo si sharci darro ah u duuliyay diyaarad aan cidina saarneyn oo nuuceedu yahay Horizon Air Q400,ayaa ku dulburburtay Jasiirad ku dhow deegaanka Seattle ee gobolka Washington.

8/11/2018 2:42 AM EST
Sabti, August, 11, 2018 (HOL)-Lix ruux oo asalkoodu yahay Itoobiyaan ayaa lagu waramayaa siyaabo kala duwan loogu dilay dalka Jabuuti weerar u muuqday aargoosi, sida ay warbaahinta u sheegeen dad goob joogayaal ah.

8/11/2018 12:59 AM EST
Sabti, August, 11, 2018 (HOL)-Golaha ammaanka ee Qaramada Midoobay ayaa dalbaday in baadhitaan madax bannaan oo lagu kalsoon yahay lagu sameeyo duqayntii diyaaradaha dagaalka ee xulufada Sucuudigu ku dileen carruurta badan ee reer Yemen.

8/11/2018 12:47 AM EST
Sabti, August, 11, 2018 (HOL)–Dowladda Imaaraadka Carabta sheegtay dhisi doonta dhuumo shidaalka qaada oo isku xiri doona dalka magaalada Addis Ababa ee dalka Itoobiya iyo magaalada Asab ee dalka Ertirea.