Sabti, April, 07. 2018 (HOL) - Buugan oo lagu magacaabo AF-DHAAB ayaa ka hadlay Luqada
afkeena iyo muga ay leedahay.
Munaasibadan oo ay ka soo qayb
galeen, aqoonyahanno, waxgarad, Mas'uuliyiin ka kala yimid deegaano kala duwan
ayaa si aad ah loogu dheeraaday muhiimada Luuqada Soomaaligu leedahay.
Cismaan Cabdinuur Xaashi oo qoray
buugan ayaa waxaa uu sheegay in uu mudo 23 sano ah wadey baadhitaanka iyo
dabagalka afka Soomaaliga, in ay maanta Soo baxana ay jaanis noqotay, isagoo
xusay in aanay weli dhowayn.
Buugan oo ay suurageliyeen ururka
aqoon baadhista Oday ka sheekee ayaa gudoomiyahooda Axmed Cali Garas
Maqaloocshe ka warbixiyey sababta ku hagtey in ay xil iska saaraan
daabacaada ay tahay waxaa uu xanbaarsan yahay.
Masuuliyiin ka socdey Jaamacadaha
Nugaal, Golis, Ilays iyo Sahal ayaa dhamaantood ka markhaati kacay muhiim u
yahay ardayda wax ka barata in gundhig loogu dhigo buugan iyagoo qaatay
buwaagtii ugu badnayd ee halkaasi lagu soo bandhigay.
Sidoo kale waxaa qaatay buwaag badan
mas'uuliyiinta dugsiyada sare oo sidaa si la mid ah u qiray in uu yahay
buugii ugu qaalisanaa ee faham siin kara bulshada.
C/najax Siyaad lataliyaha
madaxweynaha Somaliland ee arimaha dhalinyarada ayaa si aad ah ugu
dheeraaday Buugan waxaanu Hargeysa ku martiqaaday Qaraaga iyo ragii
gacansiiyey.
Gudoomiyaha hay'adda Shaqaalaha
Somaliland Sharmarke Geele, ayaa waxa uu gabagabasii xafladaasi ka hadlay waxa
uu sheegay in safarkiisan uu ku wajahnaa Buugan oo keliya.
"Buugan muhiim ayuu u yahay
qofkasta, waxaana idin leeyahay gaadhsiiya magaalooyinka si dadka ay u bartaan
waxa ay leeyihiin" ayuu yidhi Sharmaarke.
Buugan oo ahaa kii ugu qaalisanaa
ee soo mara, waxaana goobtaas laga waayey buugan iyadoo aan
xafladii dhamaan, kadib markii lawada iibsadey.
Bahda Oday ka sheekee ayaa waxa ay
balan qaadeen in ay gaadhsiin doonaan inta lagaga hadlo afka Soomaaliga.
Qoraaga ayaa ugu deeqay nuqul Buugaas
ka mid ah Hiiraan Online.
Seynab Cabdi Warsame
[email protected]
Laascaanood, Sool
