Sabti, April, 07, 2018 (HOL) – Maxkamad ku taalla dalka Britain ayaa
shaacisay in xukun lagu riday muwaadin Soomaaliyeed kasoo lagu eedeeyay in uu
qorsheeynaayay in uu u biiro Kooxda Daacish, islamarkaana uu dilo boqoradda
dalka Ingariiska.
Muwaadinka Soomaaliyeed oo lagu magacaabo Aweys Shiikheey ayaa haysta
dhaalashada dalka Holland ayaa kasoo hormuuqday maxkamad ku taalla London,
waxaana la sheegay in weerarkii lagu dilay rabay Boqorada Ingiriiska,
Queen Elizabeth II, iyo ra’isul-wasarihii hore ee UK, David Cameron ay
Fashiliyeen Sirdoonka UK, Aweys Shiikheey oo 38-jir ah ayaa lagu xukumay 8 Sano
oo xabsi.
Booliska UK ayaa sidoo kale waxaa ay sheegeen in Aweys ay tashkiilisay
haweeynay Soomaaliyeed oo lagu magacaabo Raaqiya Xusseen,islamarkaana ay u
ballan qaaday in ay guursan doonto hadii uu u biiro Kooxda Daacish.
Martin Edmunds oo ah Garsooraha Maxkamadda ayaa sheegay in dadka
doonaya in ay dilaan madaxda ee weeraradooda laga hortaggo ay mudeysan doonnaan
xukunka Aweys oo kale.
Waxaa uu sidoo kale tilmaamay in ay ku daba jiraan Soomaali kale oo lagu
eedeeyay in ay la socdeen falka lagu soo eedeeyay Aweys Shiikheey.
Ilyaas Axmed Cilmi, Hiiraan Online
Mogadishu, Somalia
