Sabti, April, 07, 2018 (HOL) – Kulankan oo ahaa mid dhaqaalo loogu aruurinayay Barnaamijka
Hormarinta Hiiraan ayaa waxaa ka soo qeyb- galay Ganacsato haween
Dhalinyaro, iyo guddiga loo xilsaaray in ay Hogaamiyaan Barnaamijkan.
Dadkii ka soo qeyb-galay Kulanka ayaa soo jeediyay talooyin muhiim ah
oo ku aadan sida loo xoojin karo Barnaamijka Hormarinta Hiiraan kaa oo wax
weyn ka taraya guud ahaanba mustaqbalka gobolka.
Gudoomiyaha Barnaamijka Hormarinta Hiiraan Xaaji Cismaan Dhagaxoow Haaruun ayaa ka hadlay marxaladihii uu soo maray Barnaamijka Hormarinta Hiiraan iyo Hadda halka uu
marayo,waxana uu sheegay in u meel wanaagsan maraayo Barnaamijka loona baahan
yahay in qof walbo oo reer Hiiraan ah uu tageero.
Qaar ka mid ah bulshadii ka qeyb- gashay kulanka ayaa balan qaaday in
ay garab istaagi doonaan Barnaamijka Hormarinta Hiiraan oo dhawaan Baladweyne
looga dhawaaqay,.
Gabagabadii dadkii ka soo qeyb galay kulanka ayaa ku yaboohay lacag dhan $88,748.75 ,
iyagoona balan qaaday in ay sii wadi
doonaan Taageerida Barnaamijka Hormarinta Hiiraan.
Tan iyo markii magaalada Beledweyne looga dhawaaqay Barnaamijka
Hormarinta Hiiraan waxaa soconayay dadaalo dhaqaalo loogu
aruurinaayo, iyadoo Muqdisho noqoneyso
magaaladii labaad ee kulanka lagu qabto,
C/raxmaan Diini, Hiiraan Online
[email protected]