Sabti, April, 07, 2018 (HOL) – Ra’iisul Wasaaraha
xukuumadda Soomaaliya Xassan Cali Kheyre oo wehliyaan Wasiirka Amniga , Maxamed
Abuukar Isloow, Agaasimasha hay’adda Nabad-sugidda iyo Sirdoonka
Qaranka, Saraakiil ciidamada iyo xubno ka
socday maamulka Gobolka Banaadir ayaa booqasho ku tagay xalay saqdii
dhexe xarumo ay ka howl-galaan ciidamada sugidda iyo sirdoonka Qaranka
Soomaaliyeed.
Booqashada Ra’iisul wasaaraha dalka uu ku tagay
ciidamada NISA ayaa ku saabsanayd dhiirri gelin iyo mahad naq ku aaddan sidii ay
ciidamada nabad ay uga hortageen qaraxyo shalay ka dhacay Muqdisho.
Ra’iisul Wasaare Kheyre ayaa gacan qaaday
dhammaan ciidamadiii ku sugnaa goobihii lagu fashiliyay qaraxyada , wuxuuna
taliyeyaasha halkaasi ku sugnaa ka dhagaystay warbixinno ku aaddan sidii ay ugu
hor tageen Qaraxyo iyo weeraro ay damacsanaayeen Al-shabaab.
Wuxuuna ra’iisul wasaarahuhu intaa kaddib
guddoonsiiyay abaal marin Lacageed oo uu ku dhiiri gelinayey ciidamada
maadama ay bad-baadiyeen Shacabka Soomaaliyeed ayna
diyaar u yihiin difaacidda dalka iyo dadka Soomaaliyeed.
Kormeerka ra’iisal wasaare Kheyre ayaa imanaya
kaddib Qaraxyo shalay ka dhacay magaalada Muqdisho sababay dhimashada ciidamo
ka tirsan dowladda Soomaaliya
C/raxmaan Diini,
Hiiraan Online
[email protected]