Kenya oo lacag duldhigtay xog ku saabsan xubno ku eedeysan in ay ka tiran yihiin Al-shabaab
Jimco, , April, 06, 2018 (HOL) - Saraakiisha Booliiska Kenya sheegay in ay jiraan rag tiradooda ay gaareyso ilaa 8
nin oo ka tirsan ururka Al-shabaab kuwaasi oo qorsheynaya in ay weeraro ka
geystaan gudaha dalka Kenya.
Saraakiisha ayaa sheegay in raggan la baadigooyo lagu bixin doono midkiiba
Milyan lacagta Kenyanka ah oo u dhiganta 20,000$, oo la siin doono cidii
gacanta ku soo dhigta ama meel ku sheegta.
Raggan la doondoonayo kala ah Isaaq Caliyow Maxamed, Raxiim Maxamed Sheekh,
Bashiir Xareed Xuseen, Bshiya Aadan Cusmaan Kulu, C/rashiid Ibraahim Aadan
Cusmaan, Siyaad Ibraahim C/laahi, Cabdi Maxamed Ibraahim iyo Maxamed Maxamuud
Maxamed.
Saraakiisha Booliiska ayaa shacabka Kenya ka dalbaday in laamaha amniga u
gudbiyaan wixii xog ah oo ay ka hayaan raggan oo sawiradooda lagu baahiyay, si
loo soo qabto sharcigana loo horgeeyo.
Afhayeenka ciidamada Booliiska dalka Kenya ayaa waxa uu sheegay raggan in ay
ku dhuumaaleysanayaan degaano ka tiran Gobolka Waqooyi Bari oo ay ka mid yihiin
Khadiija Xaaj iyo Qumbi-dhaam, doonayaana in ay geystaan falal ka baxsan
amniga.
Ciidamada sirdoonka dalka Kenya ayaa dhawaanahan kordhiyay howlgalada
ammaanka lagu xaqiijinayo oo ay ka sameynayaan xudduuda u dhaxeysa Soomaaliya
iyo Kenya.
C/raxmaan Diini,
Hiiraan Online
[email protected]