3/29/2024
Today from Hiiraan Online:  _
Wararka Maanta- Jimco, Apr 20, 2018
Wasiirro ka tirsan xukuumadda Soomaaliya oo shir caalami ah uga qeybgalay Washington

 

Jimco, April, 20, 2018 (HOL) – Shir caalami ah oo ay ka qeygalayaan Wakiilada dalalka Deeq bixiyeyaasha Mareykanka, Britain, Norway, QM, Midowga Yurub iyo IMF ayaa lagu qabtay xarunta Bankiga Aduunka Magaallada Washington ee dalka Mareykanka.

Shirkan ayaa waxaa Soomaaliya ku metelayay Wasiirada Maaliyadda, Waxbrashada, Kalluumeysiga, waxaana shirkaasi looga hadlayay sidii Soomaaliya looga cafin lahaa deymaha lagu leeyahay oo gaaraya 5.5 Bilyan.

Waxaa kaloo shirkan qeyb ka ahaa mashruuc Bankiga Aduunka uu ugu tala galay horumarinta Soomaaliya Afarta sano ee soo socoto, si kor loogu qaado dib u dhiska dalka iyo Amniga.

Wasiirka Wasaaradda Kalluumeysiga Xukuumadda Federaalka Soomaaliya Dr C/raxmaan Cabdi Xaashi ayaa sheegay shirkan inuu noqday mid miradhal ah, rajo weyna ay ka qabaan in Soomaaliya laga cafiyo deymaha lagu leeyahay.

“Shirkii aan halkan u nimid waxaan ka bilownay wada hadalo, IMF ayaa masuul ka ah in Soomaaliya laga cafin karo lacagaha lagu leeyahay, hadii la rabo in deenka lagaa cafiyo dariiq baa la maraa, marka talaabooyinkii la mari lahaa baan bilownay, waxaan ku dhawnahay waqtigigii deymaha nagala cafin lahaa.” ayuu yiri Wasiir.

Soomaaliya ayaa sanadihii la soo dhaafay isku dayeysay in ay gaarto ama ay buuxiso boosaska Beesha Caalamka ay ugu talagaleen wadamada deymaha lagu leeyahay in lagu cafiyo.

C/raxmaan Diini, Hiiraan Online
[email protected]

 













Click here
4/20/2018 2:46 PM EST
Jimco, April, 20, 2018 (HOL)–Wasiirka Wasaaradda Arrimaha dibada xukuumadda Soomaaliya Axmed Ciise Cawad ayaa sheegay in dowladda Soomaaliya dib ugu celin doonto Imaaraadka lacagtii dhawaan lagu qabtay garoonka diyaaradaha magaalada Muqdisho.

4/20/2018 12:34 PM EST
Jimco, April, 20, 2018 (HOL)–Xulka Kubadda Cagta Soomaaliya oo uu horkacayo Macalin Salaad ayaa u gudbay Semi Final tartanka Cecafa ciyaartoyda da’’doodu ay ka hooseyso 17 jirada.

4/20/2018 11:00 AM EST
Jimco, April, 20, 2018 (HOL)-Xisbiga muxaafadka ah ee KULMIYE ayaa jawaab ka bixiyey hadalkii ka soo yeedhay dhigiisa xisbiga WADDANI ee uu kaga hadlayey heshiishkii dekadda Berbera.

4/20/2018 10:50 AM EST
Jimco, April, 20, 2018 (HOL)-Arsene Wenger ayaa ku dhawaaqay in dhamaadka xilli ciyaareedka in uu ka tagi doono shaqada Tababarenimo ee Kooxda Arsenal muddo 22 sano oo uu soo ley-liyay.

4/20/2018 7:47 AM EST
Jimco, April, 20, 2018 (HOL) - Wasiirka Maaliyadda Soomaaliya Dr Cabdiraxmaan Ducaale Beyle oo ka qayb galay shirka looga hadlayay taakulaynta iyo cafinta deymaha Soomaaliya ee ku soo dhamaaday Washington DC ayaa rajo ka muujiyay shirka iyo natiijooyinka ka soo baxaya.

4/20/2018 12:49 AM EST
Jimco, April, 20, 2018 (HOL)–Boqorka dalka Swaziland Boqor Mswati III ayaa markii ugu horeysay ku dhawaaqay in uu bedelay magaca dalkiisa ee Swaziland una bixiyay “Boqortooyada eSwatini”.

4/20/2018 12:39 AM EST
Jimco, April, 20, 2018 (HOL)–Magaaladda Abuja ee dalka Nigeria, ayaa waxaa ku soo dhamaaday shirweyne socday muddo Saddex maalin ah, kaasi oo u dhaxeeyey Talisyadda Ciidanka difaaca Qaaradda Africa iyo Dowladda Mareykanka.

4/20/2018 12:25 AM EST
Jimco, April, 20, 2018 (HOL)–Maamulka Somaliland ayaa faah faahin dheeraad ah ka bixiyay xariga Boqor Cismaan Buur-Madoow oo ay xabsiga u taxaabeen ciidamada habeennimadii xalay.