Khamiis,, April, 19 , 2018 (HOL) – Macalimiinta wax ka dhiga dugsiyada
waxbarashada ee ku yaala gobolka Waqooyi Bari Kenya ee ka soo jeeda deegaannada
kale ee dalkaasi ayaa dalabnaya in laga badalo gobolka ay hadda wax ka dhigaan
ee Waqooyi Bari.
Arrintan ayaa timid
kaddib la dilay Saddex macallin oo bishii Febraayo lagu dhax toogtay dugsi ku
yaala degmada Wajeer, waxaana dilkaasi lagu eedeeyay xarakada Al-Shabaab.
Macallimiinta doonaya in gobolka laga baddalo ayaa ku doodaya
in Saddexdaasi macallin loo dilay sababo la xiriira diintooda balse arrintan
ayaa Saddexdii sano ee la soo dhaafay ka taagnayd gobolka.
Sidoo kale macalimiinta aan ka
soo jeedin Gobolka Waqooyi Bari dalka Kenya ayaa waxa ay sheegeen in walwal
badan ay ka qabaan in la wax-yeeleeyo, taasi oo kaga imaaneysa Al-shabaab.
Mas’uuliyiinta dhinaca
nabad-galyada u qaabilsan gbolka Waqooyi Bari Kenya ayaa sheegay in dhawr jeer
ay ku qanciyeen macalimiinta in ay ka shaqeeyaan Gobolka, amnigoodana laga
sugayo, balse macalimiinta ayaa ku qanci waayay hadalka laamaha ammaanka..
C/raxmaan Diini,
Hiiraan Online
[email protected]