Koobka Ciyaaraha kubada Cagta ee Thanksgivenka ee Minnesota oo shalay bilowday VIDEO & SAWIRO
Jimco November, 24, 2017 (HOL) –Waxaa magaaladda Minneapolis ee gobolka Minnesota ka furmay
shalay ciyaaraha Thanksgivenka ee sanadkii 3aad lagu qabanayo magaaladaas
,waxaana ka soo qaybgalay sanadkaan 24 Kooxood oo ka kala yimi sagaal gobol oo
ka tirsan Maraykanka ,waxaana soo qabanqaabiyey naadiga West Bank Athletic
Club.
Madaxa qabanqaabada ciyaarahaan Tababare Axmed Ismail ayaa
HOL u sheegay in ujeedada ugu wayn ay tahay iyadoo dalkaan lagu jiro xiliga
fasaxa ee Thanksgivenka ay doonayaan inay dhalinyarada ku mashquuliyaan
ciyaaraha intii ay ku dhici lahaayeen meelo qaldan maa’daama ay iskuulada xiran
yihiin , waxayna dhalinyaradu ka faaiidiyaan isdhexgal iyo isbarasho dhexdooda
ah ,waana mid aan ka aragnay farxadooda sanadahii la soo dhaafay sida ay ugu
qanacsan yihiin ciyaarahaan waana tan nagu kaliftay inaan sii wadno
qabashadooda ayuu yiri Coach Ahmed.
Ciyaarahaan ayaa lagu ciyaaraa garoonka dadan ee Twin City
indoor Soccer .
Ciyaarahii shalay la ciyaaray ayaa gaarayey ilaa 12
ciyaarood waxayna socdeen 11 Subaxnimo
ilaa xalay 11 habeenimo iyadoo kooxaha
qaarkood ay shalay ciyaareen labo
ciyaarood.
Ciyaarahaan ayaa waxaa u soo daawasho tagay boqolaal
dadwayne ah oo kala yimi magaaladda Minneapolis iyo magaalooyinka ku dhow dhow.
Ciyaaratii furitaanka ayaa dhex martay kooxaha Aldi St Cloud iyo FC. Kambala MN
Waxaana ay aheed ciyaar labada kooxoodba ay soo bandhigeen
ciyaar farsamo saraysa waxayna guushu ku raacday 4 iyo 1 kooxda Aldi St Cloud
oo aheed kooxdii ku guulaysatay koobkii Somali Week ee Minnesota.
Siyad said salah
[email protected]
Hiiraan Online
Minneapolis,MN
