Guddida doorashooyinka oo ku dhawaaqay madaxweynaha cusub ee shanta Sano ee soo socda Somaliland
Talaado, November 21,
2017 (HOL)- Guddida doorashooyinka qaranka ayaa ku dhawaaqay
xisbiga ku guulaystay doorashadda Somaliland, waxaana loo doorty madaxweynaha
shanta sanno ee soo socda Musharax Muuse Biixi iyo musharax madaxweyne ku
xigeen C/raxmaan Saylici oo ka sharaxnaa xisbiga KULMIYE.
Madaxweynaha cusub ee shanta sanno loo doorta oo noqday
Muuse Biixi iyo C/raxmaan Saylici waxay heleen codad dhan 305,909 55%, halka
xisbiga WADDANI keenay 226,092 cod, halka UCID helay 23,141 cod, 4.17%,
WADDANI ayaa boqolkiiba helay 40.73%, KULMIYE
55.19%, halka xisbiga UCID tahay 4.17%
Shanta sano ee soo socda waxa madaxweyne noqon doonna Muuse
Biixi Cabdi iyo ku xigeenkiisa C/raxmaan C/laahi Ismaaciil Saylici.
Natiijadan lagu dhowaaqay ee doorashada ayaa noqonaysa hor
dhac, waxaana loo gudbin doonaa maxkamadda dastuuriga ah oo iyadu markay dib u
eegto soo saari doonta natiijadda rasmiga ah ee doorashadda.
Barkhad-ladiif M. Cumar,
Hiiraan Online
[email protected]
Hargeysa, Somaliland.