1/18/2022
Today from Hiiraan Online:  _
Wararka Maanta- Talaado, Nov 21, 2017
Xisbiga WADDANI oo qaadacay doorashaddii dhawaan ka dhacday Somaliland

 

Talaado, November 21, 2017 (HOL)-Musharaxa xisbiga mucaaradka ah ee WADDANI C/raxmaan Maxamed C/laahi Cirro ayaa sheegay inuu qaadacay natiijadda doorashadda ee aan wali la shaacin, waxaanu ku sababeeyey in ku shubasho ka dhacday.

Guddoomiye Cirro ayaa sheegay in khaladaad badan ka dhacay doorashaddii,isla markaana dad aan da’dii qaangaadhnimadda gaadhin ay codeeyeen, hase ahaatee waxaa uu taageerayaashiisa ka codsaday in ay is dajiyaan oo aanay nabadgalyo daro samayn.

“Doorashada madaxtooyadda ee noo qabsoontay 13 November waxaa ku gadooman madmadow iyo ku subasho baahsan,waxaana tusaale usoo qaadan karnaa dhacdooyinkan, maalintii doorashdda waxay goobjoogayaasha xisbiga WADDANI soo gudbiyeen 1200 oo dhacdo oo iskugu jirtay dhib loo gaystay iyo hadidaad iyo khaladaad ku saabsan habsami u socodka doorashada, waxa kale oo jirta in dad geeriyooday ay codeeyeen.”ayu yidhi Musharax Cirro .

Sidoo kale, waxa uu sheegay in natiijadda la soo saari doono aanu aqbali doonin, isla markaana xaqoodda u mari doonaan dariiq salmi ah, waxaanu yiri “Waxaan shacabka reer Somaliland iyo taageerasha xisbiga WADDANI u xaqiijinaynaa  in aanan aqbali doonin xaqdaro iyo wax aan sharciga baalmarsan, waxaana xaqiijinta xuquuqdooda u heli doono dariiq salmi ah oo nabadeed.”

Sidoo kale, waxa uu cambaareeyey masuuliyiin iyo taageerayaal xisbiga WADDANI oo la xidh xidhay, waxaanu xukuumadda ka dalbaday in dadkaasi la siidaayo.

waxa uu ciidanka amniga ku eedeeyey inay shacab u adeegsadeen xabad nool, taas oo uu ku tilmaamay mid khalad ah oo dad aan waxba galabsan rasaasi ku dhacday, waxaanu ciidanka uga digay in aan dad aan hubaysnaan rasaas nool u adeegsadaan.

Dhinaca kale, waxa saacadaha soo socda lagu dhowaaqi doona natiijaddii doorashadda oo muddo sideed casho ah la sugayey wakhtiga lagu dhowaaqayey, waxaana gabi ahaanba dhamaaday dib u tirintii sanaaduuqdii xisbiga WADDANI codsaday in la dib loo baadho, haseyeeshee sida wararka ka helayno waxa xisbiga WADDANI ku gacansaydhay inay saxeexaan natiijada la shaacin doono.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
11/21/2017 8:16 AM EST
Talaado, November 21, 2017 (HOL)- Guddida doorashooyinka Qaranka ayaa ku dhawaaqay xisbiga ku guulaystay doorashadda Somaliland, waxaana loo doorty madaxweynaha shanta sanno ee soo socda Musharax Muuse Biixi iyo musharax madaxweyne ku xigeen C/raxmaan Saylici oo ka sharaxnaa xisbiga KULMIYE.

11/21/2017 6:39 AM EST
Talaado, November, 21, 2017 (HOL)- Dalka Nigeria wararka ka imanaya ayaa sheegaya in ku dhawaad 50 ruux ku dhinteen gudaha Masjid ku yaala magaalada Mubi ee ku taalla Waqooyi Bari dalkaas.

11/21/2017 6:27 AM EST
Talaado, November, 21, 2017 (HOL)- Xisbiga talada haya ee Zanu-PF ayaa mooshin xil ka qaadis ah ka keenay 93-jirka Zimbabwe Robert Mugabe, kaasoo wali diidan inuu xilka ka dego, iyadoo ay shalay ku ekeyd mudada laga codsaday inuu isku casilo.

11/21/2017 4:56 AM EST
Talaado, November, 21, 2017 (HOL)- Dowladda Jabuuti ayaa lacag dhan $1 million oo dollar ugu deeqday dadkii ay wax yeelladu ka soo gaartay qaraxii 14bishii October ee sanadkan ka dhacay Isgoyska Zoobe ee magaalada Muqdisho.

11/21/2017 3:49 AM EST
Talaado, November, 21, 2017 (HOL)- Mudo laga jooga 26 sano kadib burburkii dowladii dhexe ee dalka ayaa markii ugu horeysay ciidamo boolis ah oo iskood isku abaabulay laga howlgiliyay degmada buulo burde ee gobolka Hiiraan oo mudo lixsano ka badan jidadku ka xiranyihiin.

11/21/2017 1:42 AM EST
Talaado, November, 21, 2017 (HOL)- Madaxweyne Trump ayaa shaaciyey in Maraykanku mar labaad ku darayo Kuuriyada Woqooyi liiska dawladaha taageera argagixisada, sagaal sanadood ka dib markii laga saaray liiskaaa.

11/21/2017 1:33 AM EST
Talaado, November, 21, 2017 (HOL)- Todobaad iyo ka badan ayaa ka soo wareegtay doorashadii 13kii bishan ka dhacday Soomaaliland waxaana muuqata in guddiga doorashadu waqti badan ku qaadatay in ay ku dhawaaqaan natiijada.

11/21/2017 12:57 AM EST
Talaado, November, 21, 2017 (HOL)- Dowladda Mareykanka ayaa kordhisay howlgalkeeda iyo ciidamada ka jooga Soomaaliya ee dagaalka kula jira Al-Shabaab iyo sidoo kale kooxda Daacish ee ku sugan gobollada Bari ee Soomaaliya.

11/21/2017 12:48 AM EST
Talaado, November, 21, 2017 (HOL)- Ra’iisul Wasaaraha Soomaaliya Xasan Cali Kheyre ayaa kormoor shaqo oo uu ku tagey xafiiska Hanti-dhowrka guud ee qaranka ka sheegay in Xukuumaddu ay xooga saareyso la-dagaalanka musuq-maasuqa, maadaama barnaamijka dawladda ay ugu muhiimsan tahay isla-xisaabtanku.

11/21/2017 12:40 AM EST
Talaado, November, 21, 2017 (HOL)- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo booqasho labo cisho ah ku jooga dalka Isu-tagga Imaaraadka Carabta ayaa wadahadallo la yeeshay Dhaxal Sugaha Imaaradda Abu Dubay, ahna Ku Xigeenka Taliyaha Guud ee Ciidamada Qalabka Sida ee dalkan Sheekh Maxamed Bin Zayed Al Nahyan.