Dagaal ciidamada Itoobiya iyo Al-shabaab ku dhaxmaray deegaanno hoostaga degmada Ceelbuur
Talaado, Maarso, 28, 2017 (HOL) - Faah faahin dheeraad ah ayaa ka soo baxaya
dagaal ciidamada Itoobiya iyo Al-Shabaab ku dhexmaray waddada isku xirta
deegaan lagu magacaabo Ceel qoxle iyo sidoo kale degmada Ceelbuur ee gobolka
Galgaduud.
Wararku waxaa ay sheegayaan xoogagga ka tirsan Al-shabaab jidka u galeen
ciidamo ka tirsan kuwa Itoobiya oo ka baxay magaalada Dhuusa-mareed, islamarkaana
ku sii jeeday degmada Ceelbuur ee gobollka Galgaduud.
Dagaalka oo leysku adeegsaday hub kala duwan ayaa waxaa ka dhashay khasaare
isugu jiray dhimasho iyo dhaawac.
Sidoo kale waxaa la sheegaya in Madaafiic ay adeegsadeen labada dhinac in ay
waxyeelo kasoo gaartay dadka degaanka.
Ugu danbeyntii, ciidamada Itoobiya ee ka howlgala gobolka Galguduud ayaa
inta badan dhaqdhaqaaqyo militari ka sameeya deegaannada isku xira degmooyinka
Ceelbuur iyo Dhuusa-mareeb, halkaa oo isku horimaad ay kala kulmaan
dagaalyahannada Al-shabaab.
C/raxmaan Diini, Hiiraan Online
[email protected]
