3/29/2024
Today from Hiiraan Online:  _
Wararka Maanta- Talaado, Mar 28, 2017
Daacish oo sheegatay markii ugu horeysay in ay dil ka fulisay magaalada Muqdisho

Talaado, Maarso, 28, 2017 (HOL) – Kooxda Daacish ayaa markii ugu horeysay sheegatay in ay sarkaal ka tirsan nabad-sugida ku dishay magaalada Muqdisho, kaddib war ay ku shaaciyeen wakaalad wararka u faafisa.

Ilaa iyo hadda ma jiro war ka madaxbanaan sheegashada Daacish ama ka soo baxay dowladda federaalka oo ka hadlay sarkaalka sarkaalka ka tirsanaa nabad-sugida.

Kooxda Daacish ayaa horay u sheegatay in ay ka howlgasho deegaannada dowlad gobolleedka Puntland, hasse ahaatee sheegashadan ah ah in ay howlgal ka fuliyeen ayaa noqonaya kii ugu horeeyay.

Sanadkii horay ayeey aheyd markii kooxo uu hogaaminayo ninka lagu magacaabo Sheekh C/qaadir Muumin oo ka goostay Al-shabaab ku dhawaaqeen in ay ku biireen kooxda ISIS ama Daacish, waxaana ay kooxda ka howlgashaa deegaanno ka tirsan Puntland.

Ugu danbeyntii, dhaq dhaqaaqa ISIS ee Soomaaliya ayaa ah mid yar, marka loo eego Kooxda Al-Shabaab oo aad ugu xooggan Soomaaliya.

C/raxmaan Diini, Hiiraan Online
[email protected]













Click here
3/28/2017 12:38 PM EST
Talaado, Maarso, 28, 2017 (HOL) -Madaxweynaha maamulka Koonfur galbeed Shariif Xassan Sheekh Aadan ayaa ugu baaqay ciidamada howlgalka midowga Africa AMISOM in ay wax ka qabtaa amniga jidka isku xirtay Muqdisho iyo Baydhabo.

3/28/2017 10:03 AM EST
Talaado, Maarso, 28, 2017 (HOL) -Dood-qaran oo ah madal inta badan looga doodo arrimaha siyaasadda Soomalida ayaa markii labaad xalay lagu qabtay Gobolka Minnesota ee ay Soomaalida Mareykanku ku badan tahay.

3/28/2017 9:57 AM EST
Talaado, Maarso,28, 2017 (HOL)- Guddida doorashooyinka Somaliland ayaa maanta ku dhawaaqay wakhtiga tirada guud ee iska diwaangalisay wadanka iyo gobol waliba inta ka diwaangashan.

3/28/2017 9:27 AM EST
Talaado, Maarso, 28, 2017 (HOL) - Madaxweynaha dowlad gobolleedka Hirshabeelle Cali Cabdullaahi Cosoble ayaa goor dhaw oo maanta ah shir jaraa’id ayaa eedeyn u jeediyay wasaarrada arimaha gudaha iyo federaalka xukuumada Soomaaliya oo sida uu sheegay faragalin toos ah ku heysa howlaha maamulka.

3/28/2017 8:59 AM EST
Talaado, Maarso, 28, 2017 (HOL) - Magaalada Johannesburg ee dalka Koonfur Afrika waxa ku geeriyooday Ahmed Kathrada oo ka mid ahaa shaqsiyaadkii u soo halgamay in dalka laga saaro xukunkii midab takoorka.

3/28/2017 8:21 AM EST
Talaado, Maarso, 28, 2017 (HOL) - Ra’iisul Wasaaraha Soomaaliya Xassan Cali Kheyre oo uu weheliyo Guddoomiyaha Gobolka Banaadir Yuusuf Xuseen Jimcaale ayaa kormeer ku tagay deegaanka Garas Baaleey ee duleedka Muqdisho, halkaasoo ay ku nool yihiin qaar ka mid ah dadkii ka soo barakacay gobollada dalka ee ay abaaruhu saameeyeen.

3/28/2017 8:02 AM EST
Talaado, Maarso, 28, 2017 (HOL) –Dowladda Finland ayaa deeq lacageed oo gaareysay 25-million oo dollar, ugu deeqday wadamo ku yaalla Africa, oo ay Soomaaliya ka mid tahay.

3/28/2017 5:21 AM EST
Talaado, Maarso, 28, 2017 (HOL) –Col. Maxamed Jamuus, Col. Cawil Balcade iyo Sarkaal kale, oo ka tirsanaa maamulka Puntland ayaa ku geeryooday shil gaari oo ka dhacay gobolka Nugaal.

3/28/2017 4:44 AM EST
Talaado, Maarso, 28, 2017 (HOL) –Madaxweynaha Jamhuurida Federaalka ee Soomaaliya, Maxamed Cabdullaahi Maxamed, ayaa maanta u safray Magaaladda Cummaan ee dalka Jordan, waxaana uu halkaasi kaga qeyb galayaa, Shir Madaxeedka Ururka Jaamacadda Carabta.

3/28/2017 3:31 AM EST
Talaado, Maarso, 28, 2017 (HOL) -Warar kala duwan ayaa ka soo baxaya qarax saqdii dhexe ee xalay qarax xoogan oo ka dhacay waddada warshadaha magaalada Muqdisho.

3/28/2017 2:12 AM EST
Talaado, Maarso, 28, 2017 (HOL) - Faah faahin dheeraad ah ayaa ka soo baxaya dagaal ciidamada Itoobiya iyo Al-Shabaab ku dhexmaray waddada isku xirta deegaan lagu magacaabo Ceel qoxle iyo sidoo kale degmada Ceelbuur ee gobolka Galgaduud.

3/28/2017 1:44 AM EST
Talaado, Maarso, 28, 2017 (HOL) - Shirka Hogaamiyeyaasha Jaamacadda Carabta ayaa Berri ka furmaya caasimada dalka Urdun ee Cammaan ,waxaana ka qeyb galaya hogamiyeyaal badan oo ka socda wadamada Jamacadda carabta.