Axad, September, 24, 2017 (HOL) -Ra’iisul wasaaraha xukuumada
Soomaaliya Xasan Cali Kheyre ayaa kulan gaar ah kula yeeshay magaalada New York
Xoghayaha Guud ee Qaramada Midoobey Antonio Guterres.
Labada mas’uuul ayaa ka wada hadlay arrimaha Soomaaliya, howlaha UN-ka uu ka
wado iyo sidii loo xoojin lahaa.
Sidoo kale waxaa laga wada hadlay wada shaqeynta hey’adaha QM iyo Hey’addaha
dowladda Federaalka.
Xog-hayaha Guud ee Qaramada Midoobey Antonio Guterres ayaa ammaanay
horumaradii kala duwanaa ee ay sameysay dowladda Soomaaliya.
Ra’iisul wasaaraha ayaa sheegay in dalka horumaro la taaban karo ka jiro,
isagoo soo hadal qaaday caqabado dowladda ka heysa dhinacyada siyaasada iyo
arrimaha bani’aadanimada.
Ra’iisul wasaare Kheyre iyo wafdi uu hoggaaminayo ayaa ka qeybglay shirka
gollaha guud ee Qaramada Midoobey.
C/raxmaan Diini, Hiiraan Online
[email protected]