Ra'iisal wasaare Kheyre oo New York kula shiray wasiirrada arrimaha dibada dalalka Imaaraadka iyo Qatar
Sabti, September, 23, 2017 (HOL) – Ra’iisal wasaaaraha xukuumadda Soomaaliya Xassan
Cali Kheyre oo ku sugan magaalada New York ayaa kulan gaar ah halkaa kula
qaatay wasiirka arimaha dibeda Imaaraadka Carabta Sheikh Cabdullahi Bin
Zaayid Al-Nahayaan.
Labada mas’uul ayaa kulankooda uga wada hadlay xiriirka iyo iskaashiga
labada dal, arrimaha xiisada Khaliijka iyo go’aankii dowladda Soomaaliya ka
qaadatay.
Dhinaca kale ra’iisul Wasaare Kheyre ayaa la sheegay in goor dambe oo
xilliga dalka Mareykanka uu la kulmay Wasiirka Arrimaha Dibadda
Qatar Sheekh Maxamed Bin Cabdiraxmaan Al-thani, iyagoo ka wada hadlay
xiriirka labada dalka
Wasiirka Arrimaha Dibadda Qatar ayaa soo dhaweeyay mowqifka dowladda, waxaana
uu sheegay inay isku dayayaan arrimaha Khaliijka in wada hadal lagu dhameeyo.
Kulamadan ayaa imanaya xili dowladda Soomaaliya ay sheegtay in ay dhaxdhaxaad ka tahay
xiisada ka dhax aloosan wadamada Carabta, inkastoo markii dhinaca kale la eego
inta badan dowlad gobolleedyada dalka ee ka tirsan dowladda dhexe la safteen
xulufada Sacuudiga iyo Imaaraadka iyaga oo xiriirka u jaray dowladda Qatar.
C/raxmaan Diini, Hiiraan Online
[email protected]