Shirka Qurba joogta ee Maalgashiga Soomaaliya oo Minnesota ka dhacay Sawiro & Video
Sabti, September, 23, 2017(HOL) -Shir balaaran oo looga hadlaayay qurbo-joogta
doonaysa inay maalgashato Soomaaliya ayaa lagu qabtay magaalada Minneapolis ee
gobolka Minnesota qaasatan Jaamacada gobolka Minnesota, kulankan oo ay si wada
jira u soo qabanqaabiyeen Hay’ada Somali Action Allince iyo Ururka kaalmada
dibada ee Maraykanka ee USAID.
Waxaana Shirkan ka
soo qaybgalay Safiirka Soomaaliya u fadhiya Maraykanka Axmed Ciise Cawad ,madax
ka socotay ha’yada USAID, Duqa Magaaladda Minneapolis Betsy Hadges, madaxda
rugta ganacsiga Soomaaliya, qaar ka mida hay’adaha aan dowliga ahayn ee ka
shaqeeya horemarinta bulshada ee ka hawlgala gudaha Soomaaliya iyo Waliba
ganacsatada Soomaaliyeed ee ku nool daafaha dunida oo iyagana ka dhex muuqday
kulankaan .
Agaasimaha Guud ee
hay’ada Somali Action Allance Xaashi Shaafi ayaa ugu horeen u mahadceliyey
dadkii ka soo qaybgalay kulankaan iyo intii gacan ka gaystay qabsoomidiisa,
Waxuna Xaashi yiri ujeedada ugu wayn ee aan isagu kiin
yeernay waa si aad isku aragtaan maadaama aad qaarkiin haysaan fekerkii qaarkiina
aad haysaan dhaqaalahii ,waxaana filayaa inuu shirkaan ka soo baxi doono wax
dan u ah horemarinta dhaqaqalaha ee dadka Soomaaliyeed.
Safiirka Soomaaliya u
fadhiya Maraykanka Axmed Cawad oo isaguna khudbad dheer kulanka ka jeediyey
ayaa ka waramay awooda qurbo joogta ee
ku aadan maalgashiga Soomaaliya waxuuna xusay in fursadaha yaala Maraykanka
iyo dunida kaleba looga faaiidayo Soomaaliya, waxuuna safiirku carabka ku dhiftay
dhawr mashruuc oo looga faaiidayn karo dalka Soomaaliya.
Cabdirashiiid Sh.Cali
Axmed oo ka hawlagala Xafiiska laga
maamulo Magaaladda Minneapolis kana mid ahaa qabanqaabiyaasha shirkaan ayaa HOL
u sheegay in war murdiyeed ka soo baxay gabagabadii shirkaan laysku af gartay
in sanad walba mar la qabto kulankaan oo kale, waxaa kaloo Cabdirashiid sheegay
in loo baahan yahay in xiligaan si wadajira loogu soo jeesto sidii horemarin
dhaqaale loogu abuurahii lahaa dalkeenii.
Siyad Said Salah’
[email protected]
hiiraan online
Minneapolis MN
